Rita Ora vazhdon rutinën e saj të jetesës së shëndetshme, ndërsa fotografohet në vrapin e mëngjesit me bashkëshortin e saj

Rita Ora është e njohur për kujdesin që ia kushton shëndetit dhe trupit të saj.

Dhe 32 vjeçarja tregoi se ishte në formën më të mirë të jetës së saj të hënën, ndërsa po shkonte për vrap në bregun e Rose Bay të Sydneyt, shkruan DailyMail.

Interpretuesja e hitit “I Will Never Let You Down” u vesh me tuta sportive të ngushta teksa shijonte diellin e dimrit aktual në Australi.

Rita veshi një bluzë të zezë dhe pantallona dhe kishte të mbështjellë një bluzë rreth belit të saj ndërsa dëgjonte muzikë.

Ajo mbante syze dielli me përmasa elegante për vrapim.

Në një moment asaj iu bashkua bashkëshorti i saj, regjisori Taika Waititi i cili kishte veshur një bluzë të kaltër dhe pantallona të shkurtra të ngjashme.

Ai mbante një palë syze dielli gjysmë transparente së bashku me atlete të zeza.

Kjo paraqitje e saj vjen pak kohë pasi Rita dhe bashkëshorti i saj pozuan për një fotosesion seksi për revistën “Vogue Australia”.

Çifti zbuloi në intervistën e dhënë revistës në fjalë, sekretin e martesës së tyre të suksesshme.

“Kjo është çështja e martesës, e marrëdhënieve, ka të bëjë me gjetjen e atij personi me të cilin dëshiron të shoqërohesh [me] dhe të sigurohesh që ta bësh këtë”, tha Taika.

Rita shtoi: “Ka të bëjë me sakrifikimin e gjërave të caktuara dhe për të gjetur kohë për njëri-tjetrin, veçanërisht kur ka dy njerëz të zënë në marrëdhënie… Nëse vërtet kujdeseni për dikë, do ta kuptoni”. /Telegrafi/