Rita Ora shkëlqen në “The Masked Singer US”, ndërsa vishet si për karnavalet e Brazilit

Rita Ora u shfaq tejet elegante përpara paraqitjes së saj në “The Masked Singer USA”, të enjten në mbrëmje.

Këngëtarja 34-vjeçare dukej mahnitëse me një fustan gjysmë të tejdukshëm, të zbukuruar me detaje me lule dhe të kombinuar me një shall me pupla rozë, në nder të “Carnival Night”, teksa pozoi me vetëbesim prapa skenave.

Veshja e saj stiliste përfshinte një dizajn të tejdukshëm, të zbukuruar me lule të ndritshme dhe shkëlqyese, shkruan DailyMail.

Për ta plotësuar pamjen, Rita kishte veshur taka të larta argjendi dhe për aksesorë kishte zgjedhur një palë vathë blu të theksuar dhe disa unaza të mëdha.

Këngëtarja e hitit “Poison” kishte stiluar flokët biondë në onde të çrregullta dhe kishte zgjedhur një grim të guximshëm me tone sysh ombré, duke krijuar një kombinim të përsosur.

Në Instagram, ajo i publikoi disa fotografi mahnitëse nga prapaskenat, duke shkruar në mbishkrim: “Rio është sonte në studiot e The Masked Singer dhe më pëlqen jashtëzakonisht kjo paraqitje! Mos e humbisni premierën e Group C në ora 8/7c!”.

Më vonë gjatë mbrëmjes, aktorja e njohur amerikane Candace Cameron Bure, 48 vjeçe, u zbulua si Cherry Blossom në spektakël.

Ndërkohë, Rita dhe bashkëshorti i saj, Taika Waititi, 49 vjeç, së fundmi u shfaqën të dashuruar me veshje të kombinuara, ndërsa këngëtarja ndau disa momente nga takimet e tyre romantike.

Rita shprehu ndjenjat e saj për regjisorin e njohur, duke e cilësuar si “zemrën e saj”, ndërsa ndau dashurinë e saj në Instagram.

Në një nga fotot, Rita dhe Taika ecin krah për krah, të mbështetur tek njëri-tjetri, teksa mbanin kapele në ngjyrë të verdhë dhe rozë.

Më vonë, gjatë ditës së tyre të veçantë, Rita fotografoi Taikën në një restorant, ku ai dukej i qetë me një bluzë të bardhë casual.

Ndërsa nata afrohej, Taika u shfaq më elegant, i veshur me një këmishë të zezë polo, ndërsa Rita e fotografoi fshehurazi gjatë një darke romantike.

“Zemra ime. Të dua”, shkroi ajo në mbishkrimin e fotove.

Çifti u martua në një ceremoni sekrete në gusht të vitit 2022, pasi Rita thyeu traditën dhe i propozoi ajo Taikas.

Dasma e tyre intime në Los Angeles nuk u konfirmua nga vetë ata deri një vit më vonë. Në një intervistë për Grazia, Rita tha se ata “e organizuan spontanisht, pa asnjë planifikim”.

Pasi kaloi vite në lidhje jo të duhura gjatë “të njëzetave të saj të çrregullta”, Rita tha se kur filloi lidhjen me Taikën, e ndjeu menjëherë që ishte “diçka e drejtë dhe e sigurt”.

Duke reflektuar mbi të kaluarën, ajo tregoi: “Jeta ime e dashurisë ka qenë shumëngjyrëshe, për të mos thënë më shumë. Por sa e mrekullueshme është që mund të bëjmë zgjedhjet tona?”

Ajo shtoi: “Gjatë të njëzetave, ndihesha gjithmonë e lodhur dhe e turbullt. Doja të ndihesha e zgjuar, që truri im të funksiononte siç duhej”.

Duke folur më tej për marrëdhëniet, ajo tha: “Më shqetëson kur njerëzit vendosin tërë përgjegjësinë emocionale mbi dikë tjetër për t’i bërë të ndihen mirë me veten e tyre. Kjo është një katastrofë, një aksident me pasoja. Do të jesh gjithmonë i pakënaqur – edhe unë kam qenë ajo personi.”

Rita dhe Taika filluan të takoheshin në mars të vitit 2021, përpara se të bënin publike lidhjen e tyre në gusht të po atij viti.

Para se të bëheshin çift, ata kishin qenë miq të ngushtë për pesë vite. /Telegrafi/