Rita Ora fotografohet duke blerë ushqime në dyqan me fustan transparent, ndërsa shijon motin e ngrohtë në Australi

Ajo zbarkoi në Sydney me të dashurin e saj, regjisorin e filmit “Thor”, Taika Waititi në fillim të këtij muaji.

Dhe sensacioni i muzikës pop në Mbretërinë e Bashkuar, Rita Ora, 31 vjeçe, sigurisht që po e shijon qëndrimin e qetë në Australi, teksa shkoi për të blerë ushqime në një veshje shumë interesante të hënën.

Rita i la pak vend imagjinatës, duke veshur një fustan të zi të tejdukshëm që ekspozonte të brendshmet e saj të zeza seksi në pjesën e poshthme, shkruan DailyMail.

Ylli me prejardhje shqiptare, e cila fluturoi në Australi përpara xhirimeve të spektaklit “The Voice 2022”, kompletoi pamjen e saj me një palë sandale të zeza, syze dielli të mëdha dhe një maskë ngjyrë gri për fytyrën.

Duke zgjedhur rehatinë në vend të glamurit, Rita u shfaq pa makijazh dhe i kapi flokët e saj bionde në stilin bisht.

Këngëtarja u shoqërua nga motra e saj Elena Ora për ekspeditën e blerjeve dhe bëri çmos për t’u bashkuar me turmën ndërsa endej nëpër korridoret e supermarketeve.

Në një moment, interpretuesja e hitit “Let You Love Me” u pa duke parë një vitrinë të mbushur me mish të prerë.

Ajo gjithashtu mori atë që dukej të ishte një copë bukë, perime jeshile, qumësht, vezë dhe drithëra.

Pasi blenë sendet e tyre ushqimore, motrat kaluan nëpër parkingun jashtë drejt automjetit të tyre dhe filluan të ngarkojnë çantat në bagazh.

Rita mbante syzet e saj brenda dhe jashtë supermarketit, ndoshta në një përpjekje për të mos u njohur nga fansat vendas.

Më vonë gjatë ditës, Rita dhe Elena shijuan një vizitë në plazh.

Dy motrat u panë duke shëtitur në rërë dhe duke shijuar një bisedë të gjallë teksa shikonin perëndimin e diellit.

Ndërsa veshja e pastër e Ritës mund të jetë dukur e pavend në supermarket, këngëtarja dukej qartësisht magjepsëse në sfondin e plazhit.

Kjo vjen mes raporteve që Rita dhe i dashuri i saj, regjisori me prejardhje nga Zelanda e Re, Taika, do të festojnë së bashku festat e fundvitit në kontintentin australian.

Duke folur për Daily Mail Australia këtë javë, një burim i afërt me Ritën konfirmoi se këngëtarja dhe i dashuri i saj do të kalojnë pesë javët e ardhshme duke jetuar në Sydney në një rezidencë në vlerë 11.54 milionë dollarë në Bellevue Hill.

“Rita mezi pret me padurim që të ketë Krishtlindje të nxehta në Australi përpara se të fillojë xhirimet e sezonit të dytë të ‘The Voice Australia’”, tha burimi.

“Xhirimet për spektaklin ‘The Voice: Generations’ kanë përfunduar pothuajse tashmë. Rita nuk ka në plan të kthehet në shtëpi për Krishtlindje dhe në vend të kësaj do të marrë pak kohë për veten këtu përpara se të rifillojnë xhirimet”, shtoi burimi i brendshëm.

Pavarësisht se i është ofruar një shumë e madhe parash për të marrë pjesë në festat e Vitit të Ri, çifti ka të ngjarë të shijojë fishekzjarrët nga rezidenca e tyre në port.

Çifti e ka shfrytëzuar sa më shumë kohën e tyre në Australi – duke darkuar në pikën e nxehtë lokale “Chiswick” në Woollahra dhe “Finger Wharf” në Woolloomooloo.

Rita dhe Taika fluturuan për në Sydney më 1 dhjetor dhe kaluan kohën e karantinimit në shtëpi pas mbërritjes së tyre në përputhje me rregullat e COVID-19.

I dashuri i artistes shqiptare gjithashtu përflitet se do të vazhdojë punën në disa filma të ardhshëm, duke përfshirë “Thor: Love and Thunder”, i cili është në fazën e post-produksionit. /Telegrafi/