Rita Ora dhe Taika Waititi shihen të qeshur dhe në disponim të mirë, teksa dalin bashkë nga një palestër në Sydney

Rita Ora dhe Taika Waititi janë parë duke qeshur në Sydney.

Çifti, i cili u martua në një ceremoni intime në vitin 2022, u pa duke buzëqeshur ndërsa dilnin nga palestra ’98 Gym’ në Sydney të mërkurën, të dy të veshur me kapele të hotelit “Calile” në Brisbane.

Taika, 49 vjeç, kishte veshur një bluzë kafe me një grafik të lules së kuqezinjve përpara, të kombinuar me xhinse të gjera dhe shapka ‘Birkenstocks’, shkruan DailyMail.

Regjisori i “Jojo Rabbit” dukej qartë i dashuruar me gruan e tij, teksa mbante një kuti kartoni me një buzëqeshje të madhe në fytyrë.

Rita, 34 vjeçe, tregoi këmbët e saj të tonifikuara, e veshur me një bluzë të kuqe të gjerë mbi pantallona të shkurtra sportive në të njëjtën ngjyrë.

Ajo e kompletoi veshjen me atlete rozë të markës “Nike”, një çantë të zezë në mes dhe një shishe uji ngjyrë vjollcë nga “Frank Green”.

Ndërsa çifti jeton mes Londrës, Los Angelesit dhe Zelandës së Re, ata kanë kaluar më shumë kohë në Australi, ndërsa punojnë në projekte kreative.

Në muajt e fundit, këngëtarja shqiptaro-britanike ka qenë e angazhuar me xhirimet e filmit shkencor-fantastik “Voltron” dhe ka promovuar linjën e saj të re të kujdesit për flokët, “Typebea”, të bashkëthemeluar me eksperten australiane të flokëve, Anna Lahey.

Të mërkurën, ylli i popit tërhoqi vëmendjen me një fustan të kaltër mahnitës, teksa doli në Sydney gjatë turit të saj mediatik për markën e saj të kujdesit për flokët.

34-vjeçarja shfaqi fizikun e saj elegant me një fustan të tejdukshëm, pa rripa, nga ESSE Studio, me vlerë 1050 funte (1,248 euro), të kombinuar me taka Giuseppe Zanotti prej 1300 funte (1,546 euro).

Rita ndau emocionet e saj për promovimin e markës së flokëve në një postim entuziast në Instagram.

“Thjesht dua të them se dita e sotme ka qenë e pabesueshme, duke bërë të gjithë këtë promovim për linjën e re të stilimit me ‘Typebea’. Jam vërtet mirënjohëse dhe ndihem me fat që mund të bëj atë që dua dhe të krijoj gjëra për të cilat kam pasion”, tha ajo.

“Jam kaq me fat… po bie shi jashtë dhe po bëhem emocionale, por sinqerisht”.

Marka e Ritës synon të ndihmojë në rikuperimin e dëmeve nga përdorimi i tepërt i nxehtësisë dhe stilimit, probleme me të cilat ajo është përballur gjatë viteve si një yll popi.

Ajo ka folur hapur për humbjen e flokëve që pësoi gjatë të 20-tave, pasi i kishte “djegur” me produkte të ndryshme.

“Në të 20-at e mia, nuk kisha flokë, sepse i dogja krejtësisht nga bojërat dhe dëmtimet e tjera”, i tha ajo The Daily Telegraph.

“Ishte një çështje e madhe për mua, sepse i përkushtohesha gjithmonë pamjes sime. Gjithmonë ndryshoja stilin – flokë të shkurtër, flokë të purpurt, flokë blu, çfarëdo lloj stili. Nuk më interesonte për flokët e mi derisa i humba të gjitha”.

Bashkëthemeluesja e saj, Anna, gjithashtu ka përjetuar rënie të flokëve gjatë të 20-tave për shkak të problemeve shëndetësore, dhe të dyja kanë nisur një mision të ri për mbrojtjen e flokëve me markën e tyre.

Pavarësisht se u zëvendësua nga Maya Jama si anëtare e panelit në “The Masked Singer” në ITV dhe se karriera e saj muzikore ka qenë më e qetë kohët e fundit, Rita vazhdon të ketë sukses në aspektin financiar.

Sipas Richard Eden nga “The Mail”, ajo fitoi pesë milionë funte (5.9 milionë euro)  vitin e kaluar nga shitjet muzikore, angazhimet televizive, puna në filma dhe investimet në prona.

Llogaritë e fundit të tre kompanive të saj – Rora Properties, Ora Multi-services dhe Ora Live – tregojnë se ajo kishte një total asetesh prej 27 milionë funte (32.1 milionë euro) deri në prillin e kaluar, para shpenzimeve. /Telegrafi/