Rihapet sot, por pjesërisht tuneli Thirrë-Kalimash

Tuneli Thirrë-Kalimash në segmentin Rrëshen-Kalimash të autostradës Durrës-Kukës-Morin, u hap sot dhe funksionon normalisht. Njoftimi vjen sot nga burime zyrtare të ministrisë së Punëve Publike, Transportit dhe Telekomunikacionit.

Tuneli i njohur ndryshe si tuneli i ‘Thirrës, një nga veprat më të mëdha inxhinierike jo vetëm në Shqipëri, por edhe në Ballkan, u mbyll të hënën (6 korrik) për shkak të punimeve elektromagnetike.

Por burimet thanë se nga sot tuneli do të qëndrojë i hapur nga ora 7:00 e mëngjesit deri në orën 23:00 të darkës ndërsa do të mbyllet pjesën tjetër të natës për shkak të punimeve që po kryhen në galerinë jugore të tunelit paralel.

Tuneli Thirrë-Kalimash është i përbërë nga dy tunele paralele, me një gjatësi prej 5.5 km secili. Masa shkëmbore e gërmuar për hapjen e tij arrin në 33 milion m3. Tunelet kanë lartësi prej 10 metrash e gjerësi 13 metra secili. TUmeli është pjesë e autistradës Durrës-Kukës.

Autostrada e re kalon në Durrës-Vorë-Fushë Krujë-Milot-Rrëshen-Reps-Thirrë-Kalimash-Kukës-Morin, në kufi me Kosovën. /balkanweb/