Rihanna tregoi barkun e rrumbullakosur teksa po bënte pazar në Maxfield në West Hollywood, Kaliforni , të mërkurën (15 mars).
Krijuesja e hitit "Lift Me Up", 35 vjeç, veshi një polo të kaltër me mëngë të gjata me vija të kuqe dhe të bardha.
Bukuroshja e industrisë së muzikës futi pjesën e sipërme poshtë sytjenave për të ekspozuar barkun e saj në rritje.
Asaj iu bashkua partneri i saj, ASAP Rocky , 34 vjeç, teksa ecnin dorë për dore në trotuar, të veshur plot stil.
Rihanna e ka kombinuar 'look'-un me xhinse të gjera dhe çizme kafe me lidhëse të kuqe.
Flokët e saj kaçurrela ishin hedhur në një bisht dhe ajo kishte një palë syze dielli në fytyrën e saj pa grim.
Për aksesorët, këngëtarja e "Umbrella" shkoi me disa vathë, duke përfshirë një vath të madh ari vetëm në njërën anë që i ngjante një dore me gishtin e mesit të ngjitur.
Ajo kishte gjithashtu unaza të shumta, një gjerdan ari dhe një orë. Në dorë mbante një çantë Louis Vuitton.
Rihanna ndau me botën lajmin se ishte shtatzënë për herë të dytë ndërsa performonte në shfaqjen e pjesës së parë të Super Bowl LVII më 12 shkurt.
Ajo dhe reperi i "Distorted Records" janë bashkë që nga viti 2020 dhe tashmë kanë një djalë nëntë muajsh.
Pas zbulimit të Super Bowl dhe shtatzënisë, çifti u shfaq në kopertinën e marsit të Vogue. /Telegrafi/
