Rihanna ngre bluzën për të treguar me krenari barkun e saj të rrumbullakosur

Ajo befasoi fansat me lajmin e shtatzënisë së saj vetëm pak ditë më parë.

Tani barku i rrumbullakosur Rihannas ka bërë debutimin në Instagram, shkruan DailyMail.

Këngëtarja, 33 vjeçe, shfaqi mesin e saj në rritje në një fotografi që publikoi në llogarinë e saj në Instagram të mërkurën.

Imazhi ishte pjesë e një sërë fotografish që ajo ndau me ndjekësit, një prej të cilave përfshinte fotografi nga zbulimi i shtatzënisë së saj nga fillimi i kësaj jave.

Në fotografinë fillestare, e cila dukej se ishte bërë në banjën e saj, nëna e ardhshme vështroi drejt barkut të fryrë ndërsa ngriti fanellën e saj të ndritshme për kamerën me duar të lidhura me doreza.

Këngëtarja e hitit “Umbrella” kishte një model flokësh me kaçurrela, të kapura sipër.

Rihanna dhe ASAP Rocky, 33 vjeç, ndanë lajmin e tyre të gëzueshëm për shtatzëninë përmes një fotosesioni të mrekullueshëm, teksa këngëtarja me krenari tregonte barkun e saj e veshur me një pallto rozë të hapur, gjatë një shëtitjeje nëpër rrugët e New Yorkut.

Pas publikimit të lajmit, një person i brendshëm foli për Revistën People, duke thënë se Rihanna ‘nuk mund të ishte më e lumtur dhe është kaq e emocionuar që do të bëhet nënë’.

Burimi tha: “Të kesh një fëmijë është diçka në të cilën ajo kurrë nuk ishte e fokusuar, por të qenit me Rockyn e hapi atë për këtë ide”.

I njëjti burim shtoi: “Ajo i pëlqen të gjitha ndryshimet në trupin e saj gjatë shtatzënisë dhe gjithmonë iu ka dhënë hapësirë grave shtatzëna në linjën e saj të të brendshmëve, ‘Fenty’”.

Sipas burimit: “Gjithçka që bën Rihanna, ajo e bën në mënyrën e saj në orarin e saj, dhe të kesh një fëmijë nuk është ndryshe”.

Rihanna dhe Rocky janë “ashtu si çdo çift tjetër prindërish të ardhshëm”.

“Po, ata janë të famshëm, por ata janë çifti i ri më i lezetshëm dhe më i emocionuar që presin fëmijë”, tha burimi pranë çiftit.

Babai i Rihannës, Ronald, me të cilin ajo u grind qysh në vitin 2019 dhe të cilin ajo e ka akuzuar për dhunë me të në të kaluarën, ka lëshuar një deklaratë të ngrohtë publik për lajmin se ajo është shtatzënë.

“Jam shumë i lumtur dhe u hodha nga gëzimi. Unë jam ende shumë i emocionuar”, tha Ronald për Page Six në telefon nga Barbadosi, duke shtuar se ai ishte “ekstatik” për zhvillimin e ri.

“Rihanna gjithmonë thoshte se donte fëmijë, i do fëmijët. Ajo gjithmonë kujdeset për fëmijët e kushërinjve të saj…ajo do të bëhet një nënë e mirë”, tha ai, duke shprehur se ndjeu se ASAP Rocky është “një djalë shumë i lezetshëm”. /Telegrafi/