Ribashkimi i Ana de Armas dhe Keanu Reeves në “Ballerina”, spin-off-in e “John Wick”

Fansat po e presin me padurim filmin “Ballerina” me Ana de Armas që është një ‘spin-off’ i trillerit aksion të vlerësuar nga kritikët, “John Wick”.

Historia vendoset në të njëjtin univers filmik sikurse e filmit bazë me Keanu Reeves në rolin kryesor, ndërsa zgjerohet në botën e krimit.

Edhe pse tashmë dihet se rolin kryesor në film e luan aktorja kubane-spanjolle, Ana de Armas, së fundmi është zbuluar edhe pjesa tjetër e kastit: Anjelica Huston, Gabriel Byrne, Lance Reddick, Catalina Sandino Moreno, Norman Reedus e Ian McShane.

Krahas bukuroshes, e cila njihet për rolet në filmat, si “No Time to Die” e “The Grey Man”, fansat u gëzuan kur dëgjuan se në film do të shfaqet edhe Keanu Reeves.

Ai ka qenë ylli kryesor në katër filmat e deritanishëm “John Wick”, ndërsa ka konfirmuar se do të shfaqet edhe në “Ballerina”.

Lexo po ashtu Keanu Reeves reagon pas vdekjes së mikut dhe kolegut të tij në "John Wick", Lance Reddick

Megjithëse shikuesit shpreson për ndërveprim më të madh të dyshes në filmin e ri, Reeves ka thënë së fundmi se do të shfaqet vetëm në disa skena të ‘spin-off-it’.

Dy aktorët kanë luajtur bashkë edhe në filmat “Knock Knock” (2015) dhe “Exposed” (2016).

Filmi “Ballerina” është caktuar që të jepet premierë më 7 qershor 2024. /Telegrafi/