Mario Pineida, mbrojtësi i majtë 33-vjeçar i klubit Barcelona SC nga Ekuadori u vra brutalisht në mes të rrugës në qytetin ekuadoras të Guayaquil.
Policia ekuadoriane ka konfirmuar se Pineida, një lojtar i rastësishëm i ekipit kombëtar të Ekuadorit për të cilin luajti 9 herë, u vra përpara një dyqani të mishit.
Pineida ishte anëtar i Barcelonës nga Guayaquil, dhe klubi përdori rrjetet sociale për të shprehur keqardhjen e thellë për humbjen e lojtarit të tyre.
Fluminense, klubi brazilian për të cilin Pineida luajti në vitin 2022, me të cilin ai fitoi titullin e Kampionatit Carioca, shkroi gjithashtu.
Sipas mediave ekuadoriane, Pineidës iu afruan dy persona me motoçikletë dhe njëri prej tyre qëlloi drejt tij. Një person tjetër u godit, gjendja shëndetësore e të cilit aktualisht nuk dihet.
Vrasësi është në arrati dhe policia tha se po punon për të zgjidhur rastin dhe për të mbledhur të gjitha informacionet përkatëse për hetimin. /Telegrafi/
