Mori lëndime të rënda pasi i ra kulmi i ndërtesës së komunës, nga Emergjenca flasin për gjendjen e pacientes

Vajza e cila pësoi nga rënia e kulmit të ndërtesës së Komunës së Prishtinës në Lagjen “Arbëria”, ka marrë lëndime të rënda trupore.

E njëjta është duke u trajtuar në Klinikën Emergjente të QKUK-së.

Lexo po ashtu Policia jep detaje për rënien e kulmit të ndërtesës së Komunës së Prishtinës, një femër e lënduar dërgohet në QKUK

Drejtori i kësaj klinike, Naser Syla, në një prononcim për Telegrafin tha se nuk gjendja e viktimës për momentin është stabile, por nuk mund të thuhet se është jashtë rrezikut për jetë.

“Pacientja ka lëndime të rënda kudo në trup. Gjendja për momentin është stabile, por vijon të jetë në rrezik për jetën”, deklaroi Syla.

Ndërsa, zëdhënësi i Policisë së Kosovës për Rajonin e Prishtinës, Agron Borovci, ka dhënë detaje për Telegrafin lidhur me rastin.

“Rreth orës 13:00, është raportuar se në rrugën ‘Nora e Hotit’  në Prishtinë,  një person ka marrë lëndime si pasojë e goditjes  nga materiale që janë shkëputur nga çatia e një objekti”, tha Borovci.

Lexo po ashtu Pamje nga rënia e klumit të Komunës së Prishtinës

Ai tha se policia menjëherë ka dalë në vendin e ngjarjes dhe mbështetur në informacionet e para është raportuar për një person të lënduar (femër), e cila është dërguar në QKUK për trajtimin e nevojshëm mjekësor.

“Aktualisht policia ka nisur punën për zbardhjen e plotë të të gjitha  rrethanave që karakterizojnë ngjarjen”, ka thënë Borovci. /Telegrafi/