Renault Clio dhe Captur ‘mbretërit e tregut’ kosovar, marrin mbi 15% të tregut

Marka më e madhe franceze në botë, Renault po shihet si e tillë edhe në Kosovë. Nga çdo 10 vetura të reja të shitura në tregun tonë mesatarisht, pothuajse njëra prej tyre ka qenë Renault Clio dhe tjetra Renault Captur.

Viti 2016 ka qenë i jashtëzakonshëm për Renault edhe në Kosovë. Marka e dytë më e madhe e veturave në Evropë ka regjistruar rritje të jashtëzakonshme të shitjeve gjatë vitit të kaluar. Por dallimi më i madh në kërkesën e tregut kosovar është vërejtur në modelet lidere edhe në Evropë, përkatësisht Renault Captur dhe Clio.

“Rritja më e madhe në shitjet e vitit të kaluar është regjistruar në gjeneratën e katërt të modelit Clio. Por ky model i veturës së Renault mban edhe titullin e veturës franceze më të shitur në botë me 13 milionë njësi, dhe Kosova tashmë është pjesë e këtij trendi global që po vendoset nga modeli Clio – i cili e dominon segmentin tash e 5 vite”, ka thënë Zgjim Mita, drejtor ekzekutiv i Auto Mita, përfaqësuesit zyrtar të veturave Renault, Dacia dhe Nissan për Kosovë.

“Nga një total prej çdo 10 veturave të shitura në tregun tonë, Clio dhe Captur kanë kontribuar me pothuajse dy njësi mesatarisht, dhe kjo statistikë i bën këto dy nga modelet më të kërkuara në treg, kur dihet sasia e madhe e markave dhe prodhuesve që ofrojnë modelet e tyre të veturave të reja në Kosovë”, ka treguar Mita.

Bazuar në të dhënat zyrtare të shitjeve për Kosovë, Renault Clio dhe Captur po ashtu kanë përbërë pjesën më të madhe të shitjeve për biznese dhe organizata (flota veturash), pasi që bizneset dhe institucionet e rëndësishme në treg sikurse Coca Cola, TEB, KEDS dhe Exclusive kanë qenë ndër kompanitë që biznesin e tyre të transportit kanë vendosur ta bëjnë me këto modele veturash.

Modeli Captur sikurse në Evropë, edhe në Kosovë është lider i pakontestueshem i segmentit crossover- i cili ka qenë më i popullarizuari në Evropë në 2 vitet e fundit. Ndërsa Renault në 3 vitet e fundit vazhdon të jetë marka me rritjen më të madhe në Kosovë.

Renault ka regjistruar rritje nga viti në vit për 374,000 njësi të reja, me totalin e shitjeve të veturave të saj që ka arritur në 3.18 milionë njësi gjatë vitit 2016. Renault tani është marka kryesore franceze në botë, ndërsa në të njëjtën periudhë vëllimet e Dacia dhe Renault u rritën për 38.8 për qind. Marka e Renault tani është e dyta në Evropë, ndërsa në vitin 2017, Renault i ka rritur ambiciet me linjë të re të produkteve, lansime të reja dhe zhvillim ndërkombëtar

Në gjithë Evropën përgjatë gjithë vitit 2016, Renault ka mbajtur lidershipin e saj në makinat qytetit, segmentin B, për shkak të shfaqjes së suksesshme nga dyshja dominuese Clio dhe Captur.

Sipas statistikave zyrtare të shitjes së veturave të reja në tregjet evropiane, Renault Clio ka qenë vetura më e shitur në kontinent në kategorinë e saj edhe për vitin 2014 dhe 2015. Në tregun evropian te automjeteve komerciale të lehta, shitjet e markës Renault u rritën 9.9% për të arritur 296,187 automjete dhe një pjesë tregu prej 14.8%. /Telegrafi/