Reklamuesit kërkojnë garanci nga TikTok-u, pasi aplikacioni rrezikon të ndalohet në SHBA

Reklamuesit po kërkojnë çdo garanci nga TikTok-u, aplikacioni viral që ndihmoi në futjen e një vale videosh të shkurtra në mediet sociale, pasi kompania në pronësi kineze përballet përsëri me një ndalim të mundshëm në SHBA për shqetësimet e sigurisë kombëtare.

Kur shefi ekzekutiv i TikTok, Shou Zi Chew, të dëshmojë para Kongresit për herë të parë të enjten, reklamuesit do të vëzhgojnë nga afër paraqitjen e tij për lajmet, si dhe reagimin e ligjvënësve, thanë për Reuters disa agjenci reklamash, transmeton Telegrafi.

Të ardhurat e TikTok nga reklamat në SHBA pritet të arrijnë në 6.83 miliardë dollarë këtë vit, nga 780 milionë dollarë në vitin 2020, sipas firmës kërkimore Insider Intelligence. Aplikacioni, i cili është në pronësi të ByteDance të Kinës dhe është jashtëzakonisht i popullarizuar në mesin e përdoruesve të rinj, tani ka 150 milionë përdorues mujorë në SHBA, sipas TikTok.

Kompania përballet me thirrje në rritje nga ligjvënësit që po i bëjnë presion administratës së presidentit amerikan Joe Biden për të ndaluar aplikacionin për shkak të shqetësimeve se të dhënat e përdoruesve të amerikanëve mund të bien në duart e qeverisë kineze. /Telegrafi/