Richard Lee ka aplikuar përmes internetit, për vazhdimin e pasaportës së Zelandës së Re, meqenëse i ka kaluar afati i asaj që e ka për momentin.
Por, aziatiku 22-vjeçar është befasuar kur i është kthyer prapa aplikimi, meqenëse konsiderohet se ai po i mbanë sytë mbyllur, transmeton Telegrafi.
Megjithëse studenti i inxhinierisë shihet çartë se i ka sytë e hapura, sistemi e ka refuzuar duke i kërkuar pamje tjetër, të denjë për dokument udhëtimi.
“Pa hatër mbetje, unë e di që i kam sytë e vegjël dhe sistemi është i vjetruar. Mu desh të bëja një kërkesë speciale dhe tani e kam pasaportën e re”, ka shkruar ai përbri fotografive të postuara.
Autoritetet për çështje të brendshme, po e konsiderojnë këtë rast si pikënisje, që të bëhet më shumë në sistemet që punojnë përmes internetit, në mënyrë të mos kenë lajthitje apo gabime të tilla. /Telegrafi/
