Reese Witherspoon prezanton aktoren dublante që e zëvendëson në disa skena filmike

Filmat hollivudian preferojnë që në skena të rrezikshme, apo ato që nuk i pranojnë yjet botërore, t’i luajnë njerëzit që iu përngjajnë.

Një rast i tillë është edhe me aktoren 42-vjeçare, Reese Witherspoon, e cila ka zbuluar për herë të parë aktoren që e zëvendëson në disa skena filmike.

Në fakt, ajo ka publikuar në llogarinë personale një video teksa dublantja Marilee, ku ngjason aq shumë sa që vështirë është t’i dallon.

Madje, komentuesi dhe ndjekësit e aktores në rrjetet sociale kanë menduar se bëhet fjalë për motrën binjake të saj.

Ajo deri më tani bukuroshen hollivudiane e ka zëvendësuar në pesë filma dhe aktualisht po e ndihmon rreth sezonit të dytë të serialit “Big Small Lies”, shkruan Business Insider.

“Unë dua t’ju prezantoj me dikë që ka punuar me mua për vite të tëra. Ajo ishte dublantja ime në pesë filma dhe tani po më ndihmon në “Big Small Lies”. A nuk ngjasojmë me njëra-tjetrën?”, shkroi ajo në Instagram.

Ndryshe, aktoren do ta shohim edhe në disa projekte filmike gjatë vitit të ardhshëm në Hollywood. /Telegrafi/

https://www.instagram.com/p/Bmbnx7hHmFe/?taken-by=reesewitherspoon