Rebel Wilson në një lidhje dashurie me stilisten Romana Agruma

Rebel Wilson është shfaqur në një orientim tjetër seksual në moshën 42-vjeçare, ndërsa ka prezantuar të dashurën e re të enjten.

Ylli i “Pitch Perfect” bëri një paraqitje në Instagram duke njoftuar për lidhjen e re me stilisten e famshme, Romana Agruma.

Në përshkrim, Wilson ndau gëzimin për romancën e re, duke bërë shaka se kishte kaluar vite ‘duke kërkuar për një princ të Disneyt’ dhe zbuloi se ajo që i duhej vërtet ishte një ‘princeshë Disney’.

View this post on Instagram

A post shared by Rebel Wilson (@rebelwilson)

“Mendova se po kërkoja një princ të Disneyt, por ndoshta ajo që më duhej vërtet gjatë gjithë kësaj kohe ishte një princeshë Disney”, shkroi ajo.

Rebel, e cila viteve të fundit ka bërë një ndryshim drastik në dukje, ka qenë në vëmendje të madhe.

Lexo po ashtu Rebel Wilson tregon mesin e saj të holluar e veshur në dollakë të ngushta

Biondja humbi afro 34 kilogramë dhe momentalisht gjendet në një humor të mirë, ‘më e lumtur se kurrë’.

Edhe pse e enjtja shënoi debutimin zyrtar të Wilson dhe Agruma si çift, dyshja në fakt janë parë së bashku në disa raste gjatë muajve të fundit – madje duke bërë një paraqitje të përbashkët në tapetin e kuq në festën e ‘Oscars Vanity Fair’ në mars.

Ato u panë gjithashtu së bashku në shkurt në Super Bowl dhe Agruma më pas iu bashkua Wilson për udhëtimin e ditëlindjes në Cabo San Lucas në Meksikë në fillim të marsit.

Dyshja më pas shijoi një tjetër arratisje në prill, këtë herë në Park City, Utah, ku u panë duke marrë pjesë në një tjetër ngjarje në tapetin e kuq.

Partneri i fundit i Rebel u tha se ishte Jacob Busch, nga familja e kompanisë së birrës Anheuser-Busch.

Ajo u përfol për një lidhje dashurie edhe me Matt Reid. /Telegrafi/