Real Madridi ka filluar të punojë në transferimin e Wirtz – por ka një pengesë

Real Madridi raportohet se do ta bëjë yllin e Leverkusenit, Florian Wirtz, prioritetin e tyre kryesor për sezonin 2025/2026.

Kjo verë do të jetë mjaft e ngarkuar për ‘Los Blancos’, me Kylian Mbappen në treg pasi njoftoi se do të largohet nga PSG-ja. Sidoqoftë, duket se planet për transferime kanë shkuar përtej sezonit të ardhshëm, dhe Wirtz raportohet se ka kapur syrin e drejtuesve madrilen.

21-vjeçari ka qenë një ndër lojtarët kyç të ekipit të Xabi Alonsos këtë sezon, teksa ‘Aspirinat’ kanë mundësinë e artë që të kompletojnë tripletën e famshme të trofeve.

Reprezentuesi gjerman ka kontribuar direkt në 37 gola në të gjitha garat deri më tani këtë sezon, duke shënuar 18 gola dhe duke dhuruar 19 asistime.

Lexo po ashtu Zbulohen detajet e pagës së majme që do të marrë Mbappe tek Real Madridi

Numrat e tij duket se e kanë tërhequr vëmendjen e gjigantit spanjoll, dhe sipas gazetës spanjolle Marca, Madridi ka filluar punën për transferimit e yllit gjerman në verën e vitit 2025.

Nuk është një befasi që 14 herë kampioni i Ligës së Kampionëve interesohet për Wirtz, pasi ai ka qenë një pjesë integrale e thyerjes së rekordit nga ana e Leverkusenit si të pamposhtur (50 ndeshje).

Wirtz iu bashkua Leverkusenit si 17-vjeçar dhe impresionoi me paraqitjet e tij që nga momenti kur u bë pjesë e ekipit të parë.

Nën udhëheqjen e Xabi Alonsos duket që reprezentuesi gjerman ka lënë prapa krahëve lëndimin e rëndë në gju që kishte pësuar në mars të vitit 2022, dhe këtë sezon ka shkëlqyer me paraqitjet e tij duke qenë vendimtar në shumë ndeshje./Telegrafi/