Reagimi i Salah pasi mori lajmin që Kloppi do të largohet nga Liverpooli po bën xhiron e botës

Reagimi i Mohamed Salah pasi mësoi për njoftimin e Jurgen Kloppit për largimin e tij nga Liverpooli, po bën xhiron e botës në internet pasi dyshja u përplasën ashpër gjatë ndeshjes me West Hamin të shtunën.

Pas një paraqitje dëshpëruese ndaj Evertonit, Salahu u la në bankën rezervë në ndeshjen ndaj West Hamit në udhëtim.

Kur egjiptiani u përgatit që të futet në fushë, West Hami realizoi gol dhe për të mos mjaftuar kjo për Liverpoolin, ai u përfshi në një përleshje verbale me trajnerin.

Incidenti hodhi dyshime të mëdha mbi të ardhmen e Salah, ani pse ai pritet që të mbetet pjesë e ekipit edhe për sezonin e ardhshëm.

Lexo po ashtu Dalin pamje të reja që tregojnë veprimin që bëri Salah pas përfundimit të ndeshjes

“Isha i befasuar pasi ai nuk i tregoi askujt. Kishte një takim në orën 10:30 dhe unë thashë me vete, ‘Pse është takimi në orën 10:30, zakonisht e mbajmë në 12:00?’”.

“Ata thanë se trajneri është këtu së bashku me agjentin e tij. Unë pastaj thashë, ‘Ok, kjo do të thotë se ai ka marrë një kontratë të re’, dhe papritmas ai na tregoi se do të largohet”.

“Unë thashë, ‘Pse?’. Deri në atë moment nuk kishe biseduar me të. Bisedova pastaj me të një ose dy herë dhe ai më shpjegoi mua arsyen e këtij vendimi, por gjatë asaj kohe pyesja veten përse ai po largohej. Gjithçka po shkonte mirë, ne po luftonim për gjithçka, pse e bëri këtë njoftim tani?”, ka thënë Salah.

Në një sezon që po konsiderohet se nuk i ka mbushur standardet e Salah, egjiptiani ka qenë autor i 29 golave në 49 ndeshje të luajtura në të gjitha garat deri më tani./Telegrafi/