Reagimi brilant i Shaqirit kur pyetet rreth transferimit: Pse po flisni për Liverpoolin?

Xherdan Shaqiri ka thënë se është i fokusuar te Kampionati Botëror dhe nuk i dëgjon thashethemet për të ardhmen e tij.

Mesfushori shqiptar do të largohet nga Stoke Cityt gjatë kësaj vere, ndërsa klube të shumta kanë shprehur interesim për shërbimet e tij.

Së fundmi, është spekuluar se Jurgen Klopp i dëshiron shërbimet e tij në Anfield, për të pasur zëvendësim për Mohamed Salah, Sadio Mane e Roberto Firmino.

Ndërsa kur është pyetur nga një gazetar në lidhje me stadiumin Anfield dhe Liverpoolin, ai ia ka kthyer me të qeshura.

Lexo po ashtu Të gjitha lajmet për Xherdan Shaqirin

Dhe më pas i është drejtuar: “Pse po flisni për Liverpoolin?”. Gazetari ia ka shpjeguar se The Guardian ka raportuar se Redsat interesohen për të, ndërsa 26-vjeçari ka theksuar se agjentët e tij merren me këtë çështje.

“Tash për tash nuk mund t’ju them asgjë. Mendoj se agjentët e mi kujdesen për të ardhmen time. Unë jam i përqendruar te ekipi kombëtar (i Zvicrës) tash”, ka thënë Shaqiri.

Zvicra ndodhet në Grupin E në ‘Rusia 2018’ së bashku me Brazilin, Serbinë dhe Kosta Rikën. /Telegrafi/

Dieses Video müssen Sie sehen: Shaqiri lacht sich über Liverpool-Frage krumm@BLICK_Sport @Blickch @guardian_sport #LiverpoolFC #lfc #Liverpool pic.twitter.com/LSPLBgQuvp

— Andreas Böni (@AndreasBoeni) June 9, 2018