Reagimi befasues i Rita Orës kur konkurrentja në “The Voice Australia” këndon këngën e saj në audicionet e fshehura

Konkurrentja e “The Voice Australia”, Abbey Green, mahniti si trajnerët e shfaqjes ashtu edhe shikuesit kur ajo interpretoi hitin e Rita Orës “How To Be Lonely” në audicionet e fshehura.

Australianja 23-vjeçare pranoi se ishte nervoze për interpretimin e këngës, duke qenë se Rita është një nga katër anëtaret e jurisë së spektaklit të talenteve, shkruan DailyMail.

“Potencialisht, emocionet e mia mund të prishin të gjithë performancën. Ka shumë presion atje”, tha ajo para shfaqjes së saj.

https://www.youtube.com/watch?v=BzUQJRlxAUU&ab_channel=AussieTalent

Ajo shtoi: “Unë thjesht shpresoj se mund t’i tërheq spektatorët dhe ta performoj sa më mirë”.

Por zgjedhja e saj e guximshme e këngës u pagua, pasi publikue duartrokiti dhe të katër anëtarët e jurisë kthyen karrigen për të.

Lexo po ashtu "The Voice Australia" shënon rritje të madhe të shikueshmërisë - renditet si ngjarja e dytë më e shikuar në kontinent pas Lojërave Olimpike

Keith Urban ishte aq i impresionuar nga performanca e Abbeyt saqë ai ‘bllokoi’ Ritën, 30 vjeçe, nga rrotullimi i karriges përmes butonit që ia mundëson këtë.

“Tingëllove e pabesueshme! Faleminderit shumë që këndove këngën time”, i tha këngëtarja shqiptare konkurrentes së re, pasi ajo përfundoi interpretimin e saj.

Para se ajo të dilte në skenë, disa fansa pranuan se ishin skeptikë nëse Abbey mund të arrinte të bindte jurinë për të kthyer karriget.

Lexo po ashtu Nuk iu kthye asnjë karrige, konkurrenti i "The Voice Australia" nuk i reziston Rita Orës - zhvishet dhe fillon të bëjë vallëzim provokues para saj

“Kënga e Ritës? Vërtetë? Haha”, shkroi një fans i “the Voice Asutralia” në Twitter, ndërsa një tjetër shkroi: “E rrezikshme duke kënduar një këngë të Rita Orës…ka vetëm një Rita”.

Por Abbey e vërtetoi veten pasi realizoi një interpretim mahnitës të këngës hit të vitit 2020.

“Abbey ishte e mrekullueshme. Kënga e Rita Orës është aq e vështirë për t’u kënduar”, shkroi në Twitter një shikues i impresionuar.

Ndërkohë një tjetër fans shkroi: “Kjo nuk është një këngë e lehtë për tu kënduar, vajza ka talent”.

Edhe vet Rita e impresionuar nga konkurrentja që këndoi këngën e saj në audicione, u shpreh: “E di, ka kaq shumë fjalë në këtë këngë, çdo herë që e këndoj në jetën time, nuk mund të marr frymë – kjo është e vërtet. Uau ti tingëllove e pabesueshme”. /Telegrafi/