Policia e Kosovës ka bërë të ditur se një person ka raportuar se i është grabitur çanta me forcë.
Në raportin policor bëhet e ditur se rasti ka ndodhur në Prishtinë, të enjten në ora 20:00.
“Ankuesi mashkull kosovar ka informuar se persona të pa njohur nga vetura me forcë i kanë grabitur çantën e krahut”, thuhet në raport.
Sipas ankuesit, në çantë kishte 3000 euro, 180 dollarë dhe disa kartela telefonike.
Rasti është duke u hetuar nga ekipet relevante policore. /Telegrafi/
