“Raphinha duket si lideri i ardhshëm i Brazilit” – legjenda braziliane i bindur për cilësitë e yllit të Barcelonës

Legjenda braziliane dhe fituesi i Topit të Artë, Rivaldo, ka ndarë mendimet e tij për Raphinhan dhe të ardhmen e tij te Kombëtarja e Brazilit.

Sulmuesi anësor ka qenë pika më e fortë e Barcelonës këtë vit, ku me golat dhe asistimet e tij është kthyer në lider.

Rivaldo që dikur ka qenë yll te Barcelona, ka folur për ndikimin Raphinhas edhe te Brazili në të ardhmen.

“Raphinha duket si një lider potencial i skuadrës braziliane. Ai tashmë është kapiten në Barcelonë, ai është një lojtar i rëndësishëm atje dhe luan shumë mirë. Natyra e tij do ta ndihmojë atë të lulëzojë në ekip”, deklaroi Rivaldo.

Ish-ylli i futbollit theksoi rëndësinë e të pasurit një lojtar të sigurt si Raphinha, veçanërisht në turne kritike si Kupa e Botës.

Lexo po ashtu Man City përgatit një ofertë marramendëse për Raphinhan

“Është mirë për Brazilin që të ketë një lojtar kaq të sigurt, veçanërisht gjatë Kupës së Botës. Nëse Brazili vë baste për të, për Vinicius Junior , i cili gjithmonë luan mirë, për Neymar , i cili mund të paraqitet pas kthimit nga lëndimi dhe te Rodrygo, Brazili do të ketë një sulm të fortë”, deklaroi Rivaldo. /Telegrafi/