Rama prezanton zgjidhjen për kaosin në trafikun e Prishtinës

Përparim Rama së bashku me drejtorët nga qeverisja e tij, ka mbajtur  konferencë për të prezantuar punën dhe projektet që janë duke u realizuar nga Shërbimi i Arkitektit të Kryeqytetit.

Duke prezantuar projektin për Prishtinën, kryetari Përparim Rama, tha se disa projekte janë në fazën e tenderimit e disa ne fazën e aplikimit, transmeton Telegrafi.

“Si arkitekt urbanist e kuptoj procesin e punëve të mëdha që fillimisht zgjat pak më shumë, pastaj krijon mundësi për transformim të mirëfilltë me projekte mirë të menduara të analizuara dhe më pas implementimi është më i lehtë.

Si rezultat i punëve të tjera Kryeqyteti bashkë me organizatën e tenderëve sot do t’i prezantojmë disa punë me vu në kontroll dhe me rrethua një vizion për Kryeqytetin. Disa janë në fazën e tenderimit, disa ne fazën e aplikimit, ta tregojmë edhe nevojën e kryeqytetit për një rrëfim të së ardhmes i duhet një rrëfim një narrativ që na kujton të kaluarën dhe na lidh me të ardhmen”, tha ai, transmeton Telegrafi.

Ndër të tjera si  problematikë kryesore në kryeqytet, u përmend trafiku si një nga shkaktarët kryesor të dëmtimit të ambientit dhe shëndetit të qytetarëve.

“Kemi problemi me trafik, trafiku krijon dëm në ambient për shkak të ajrit të papastër, shkakton stres në aspektin shëndetësor. Projekti e tregon zgjidhjen për trafikun, projektin për kampusin e sporteve, Prishtina do jetë pjesë e lojërave mesdhetare në 2030”, tha Rama.

Megjithatë edhe pse projekti është akoma në proces të tenderimit, ekipa e përbërë prej arkitektëve e prezantuan atë dhe u zbulua se si do të duket sheshi “George Bush”./Telegrafi/