Mbrëmjen e së hënës, janë zyrtarizuar tri kandidatura për kryetar të Lidhjes Demokratike të Kosovës.
Anton Quni, Lutfi Haziri e Lumir Ambdixhiku janë tre kandidatët që do të garojnë për të zënë pozitën e të parit të LDK-së.
Në lidhje me këtë, analisti Fidan Rama ka thënë se LDK-ja nuk duhet të gabojë, ashtu siç kishte gabuar me Vjosa Osmanin.
Sipas Ramës, tashmë është koha që Lumir Abdixhiku bashkë me persona të tjerë, t’i japin një kahje tjetër LDK-së.
“LDK nuk duhet ta bëjë gabimin e dytë. Gabimi i parë ishte largimi i Vjosa Osmanit dhe u pa se çfarë efekti pat, ndërsa gabimi i dytë do të jetë nëse anëtarët e Kuvendit nuk e votojnë kryetar të LDK-së, Lumir Abdixhikun. Koha është që Lumi bashkë me shumë të tjerë që janë brenda t’i japin kahje tjetër këtij subjekti”, shkruan Rama.
Ai shprehet se, “LDK është subjekt i rëndësishëm për vendin, sidomos në rrethana kur rrezikohet opozitarizmi në Kosovë”.
“Prandaj ata që votojnë më 14 mars së pari duhet t’i kenë parasysh këto, por edhe shumë arsye tjera se pse ka nevojë LDK për këtë vendim”, shkruan tutje analisti Rama.
Ndryshe, Lidhja Demokratike e Kosovës ka konfirmuar se në takimin e kryesisë së kësaj partie sot, Lutfi Haziri dhe Lumir Abdixhiku kanë paraqitur kandidaturat për kryetar të partisë.
Në komunikatën e LDK-së thuhet se Kryesia e Lidhjes Demokratike të Kosovës sot ka mbajtur mbledhjen e radhës me qëllim të përgatitjes sa më të mirë të Kuvendit të LDK-së, përkatësisht Kuvendit për zgjedhjen e Kryetarit të LDK-së.
“Në mbledhje u dakordua për përgatitjet e nevojshme dhe të domosdoshme për mbledhjen e Kuvendit dhe në parim u konfirmuan edhe emrat e delegatëve të Kuvendit, të cilët janë konfirmuar nga secila degë e LDK-së”, thuhet në njoftim, përcjell Telegrafi.
Më tej thuhet se në mbledhjen e sotme, u paraqitën edhe dy kandidatura për Kryetar të LDK-së. Kandidaturat për Kryetar të LDK-së i paraqitën Lutfi Haziri nënkryetar i LDK-së dhe Kryetar i Gjilanit si dhe Lumir Abdixhiku, anëtar i Kryesisë së LDK-së.
Sipas njoftimit në mbledhje gjithashtu është thënë se ka edhe kandidatura tjera, që mund paraqiten ditëve në vijim. /Telegrafi/
Promo
Reklamo këtuLufta Prigozhin - Putin
Më shumë25 vjet burgim për Enver Sekiraqën
Dënohet me 24 vjet burgim prizrenasi, kishte dhunuar seksualisht dy vajza nën moshën 14-vjeçare
“Sentinel Lymphnod Biopsy”, pajisje tjetër për SHSKUK nga fondacioni Jahjaga
Hapet dyqani i parë social në Prishtinë, Rama: Qytetarët në nevojë mund të furnizohen çdo muaj falas me produkte ushqimore e higjienike
Rënia e Kosovës për 19 vende në indeksin e “Reporterëve Pa Kufij”, reagimet e ambasadës gjermane dhe amerikane
Mediat në Ballkan, politika, ndikimi dhe sulmet ndaj gazetarëve “Reporterët Pa Kufij” japin alarmin e shqetësimin
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Bëhen bashkë pas dy vitesh Blero e Afrona Dika
Çfarë thuhet në alarmin e NATO-s për aktivitetet 'armiqësore' ruse në Evropë?
“Thellohet misteri” – bleu apo jo SHBA-ja, 81 aeroplanë të vjetër sovjetikë nga Kazakistani?
Nga qershori Aeroportit të Prishtinës i shtohet edhe një linjë e re fluturimi
Xhaka me Bayer Leverkusenin hap të madh drejt finales, Roma bie në ‘Olimpico’
"Nuk ka mbaruar ende, na duhet edhe një gol kundër Romës për finale" - Xhaka flet pas fitores së madhe