LAJMI I FUNDIT:

Rahoveci nuk dorëzohet përkundër se Cluj është favorit

Rahoveci nuk dorëzohet përkundër se Cluj është favorit
(Foto: basketbolli.com)

Skuadra e Rahovecit është duke i vazhduar përgatitjet për garat ndërkombëtare, ku për herë të parë, do të garojë në FIBA Europe Cup, derisa ka përballë një kundërshtar shumë të vështirë, siç është Cluj Napoca e Rumanisë.

Ndeshjen e parë ‘Vreshtarët’ do ta zhvillojnë në shtëpi më 2 tetor, kurse takimi i kthimit zhvillohet pas një jave në Rumani.

Trajneri i Rahovecit, Neven Plantak, ka folur për gjasat e Vreshtarëve kundër skuadrës rumune. “Realisht do të jetë shumë vështirë. Kemi përballë një skuadër që ka buxhet shumë herë më të madh se ne. Ata janë favoritë, por sidoqoftë, ne do të mundohemi të bëjmë një paraqitje sa më të mirë. Edhe pse do të kemi shumë vështirë, paraqitja në garat ndërkombëtare është e mirë për klubin, por edhe basketbollin e Kosovës”, ka thënë Plantak për faqen zyrtare të FBK-së.


Kjo do të jetë hera e parë për Klubin e Rahovecit që merr pjesë në një garë të nivelit të tillë.

Edhe kapiteni Rron Grapci, thotë se skuadra rumune është favorite. “Ne jemi duke u përgatitur maksimalisht, edhe pse kemi një kundërshtar shumë të vështirë, që është favorit jo vetëm ndaj nesh, por edhe për të fituar në tërësi këtë ligë. Gjithsesi angazhimi ynë nuk do të mungojë në fushë. Do të mundohemi të kemi një paraqitje sa më të mirë”, theksoi Grapci për faqen e FBK-së.

Edicionin e kaluar Rahoveci ishte nënkampion i Kosovës dhe finalist i Kupës.

Në trend Sport

Më shumë
Vedat Muriqi nuk ndalet – tani shënon me goditje me këmbë nga brenda zonës

Vedat Muriqi nuk ndalet – tani shënon me goditje me këmbë nga brenda zonës

La Liga
“Është mungesë respekti”, Flick befason me fjalët për kartonin e kuq të Bellingham

“Është mungesë respekti”, Flick befason me fjalët për kartonin e kuq të Bellingham

La Liga
Vedat Muriqi po kthehet në formën e tij – shënon gol të bukur ndaj Las Palmas

Vedat Muriqi po kthehet në formën e tij – shënon gol të bukur ndaj Las Palmas

La Liga
Liverpooli përgatit 108 milionë euro për lojtarin që Slot e konsideron si ‘blerjen perfekte’

Liverpooli përgatit 108 milionë euro për lojtarin që Slot e konsideron si ‘blerjen perfekte’

Premier League
Liga e Parë, grupet A dhe B: Fitojnë pretendentët kryesorë

Liga e Parë, grupet A dhe B: Fitojnë pretendentët kryesorë

Liga e Parë

"Shumica e njerëzve e kanë gabim për pagat" - ish futbollisti i Man Cityt zbulon se si paguhen lojtarët në Ligën Premier

Premier League
Kalo në kategori