Racizmi i Bullgarisë ndaj Anglisë – sa mund të ndikojë dënimi i bullgarëve, si përjashtimi apo heqja e pikëve edhe te Kosova

UEFA po përgatitet që të fillojë sanksione të reja kundër racizmit ndaj Bullgarisë, duke e dënuar me heqje pikësh, por edhe përjashtim nga gara.

Telegraph Sport e ka bërë një shkrim në bazë të rregullave të UEFA-s se deri ku mund të shkojë dënimi i Bullgarisë si recidiviste e rasteve të racizmit.

Bullgaria në një stadium gjysmë të mbushur shkaku i dënimit për ndeshjen me Kosovën dhe Çekinë, bëri atë që pritej më pak, duke i përsëritur rastet abuzive raciste ndaj lojtarëve anglezë.

Sipas rregullave të UEFA-së: “Çdo dënim që përsëritet, dënohet me më shumë se një ndeshje me dyer të mbyllura, me ndalesë të stadium, por edhe me heqje pikësh dhe/ose diskualifikim nga gara”.

“Nëse rrethanat e rastit e kërkojnë më shumë se kaq, trupi përgjegjës disiplinor mund të caktojë edhe masa tjera disiplinore drejt shoqatës anëtare ose klubit përgjegjës”.

Si mundet të ndikojë te kombëtaret tjera përjashtimi i Bullgarisë?

Anglia nuk përfiton nga përjashtimi i Bullgarisë, pasi që ka luajtur dy herë dhe ekipi i Gareth Southgate ka fituar dy herë bindshëm, duke u kthyer në nëntë pikë.

Çdo përjashtim mund të nënkuptojë se kombëtaret që mbesin në grup do t’iu garantohet automatikisht fitore prej 3-0 si në shtëpi, ashtu edhe jashtë.

Në rastin më të keq mund të ketë edhe vendim për heqje pikësh dhe diferenca e golave do të fshihej tërësish nga të gjithë, duke mos e llogaritur Bullgarinë fare që ka luajtur.

Të dy rastet janë të mirëseardhura për Kosovën.

Nëse merret vendim që secila ndeshje që është luajtur ndaj Bullgarisë të llogaritet me rezultat zyrtar 3-0, atëherë Kosova i merr dy pikë më shumë, pasi në një ndeshje ka barazuar ndaj tyre (1-1), duke shkuar momentalisht në kuotën e 13 pikëve.

Kosova do të dilte para Çekisë në këtë rast (një pikë më shumë), që i bie se ndeshje në Plzen do të ishte finale, pasi çekët do të merrni tri pikë në tavolinë nga ndeshja e fundit me Bullgarinë që nuk do të zhvillohej.

Në rast se hiqen pikët automatikisht, Kosovës do t’i hiqeshin katër pikë, që do të binte në kuotën e 7 pikëve, ndërsa Çekia do të kishte nëntë pikë, por vetëm ndeshjen me Kosovën në dispozicion.

Anglia do t’i kishte 9 pikë, por me dy ndeshje para vetës, Malin e Zi në shtëpi dhe Kosovën jashtë.

Në këtë rast Kosovës do t’i konvenonte një barazim me Çekinë, pasi fitorja ndaj Anglisë do të thoshte kualifikim.

/Telegrafi/