Dy vjet pasi nisi luftën në Ukrainë, Putini do të intervistohet për herë të parë nga një gazetar perëndimor

Presidenti rus Vladimir Putin do të intervistohet nga një gazetar perëndimor për herë të parë prej se filloi pushtimin e Ukrainës më 24 shkurt të vitit 2022.

Putin do të intervistohet nga ish-prezantuesi i Fox News, Tucker Carlson dhe këtë e bëri të ditur ky i fundit përmes një postimi në rrjetin social X, raporton BBC, përcjell Telegrafi.

Siç raportohet, gazetari amerikan ka shkuar në Rusi për ta intervistuar presidentin rus.

Sipas raportimeve të shumta, intervista thuhet se u regjistrua të martën.

Lexo po ashtu Sa është pasuria e Putinit? Publikohen të dhënat shokuese

Ende nuk dihet saktësisht nëse është përfunduar apo edhe kur do të publikohet.

Reagime kishte pasur nga ana e Ukrainës lidhur me këtë, ku zëvendës-ministrja ukrainase, Hanna Mailar tha se e vetmja intervistë që duhet t’i bëhet Putinit është marrja në pyetje nga Haga.

Putini nisi pushtimin e Ukrainës më 24 shkurt të vitit 2022 në atë që ai e konsideron “operacion special ushtarak”.

Që nga ajo periudhë, vendet perëndimore i kanë vendosur Rusisë një mori sanksionesh në përgjigje të nisjes së pushtimit.