Publikohen pamjet kur terroristët bënin humor, pesë ditë para se të shkaktonin masakrën në Londër (Video)

Ky është momenti kur terroristët e London Bridge u kapën nga kamerat e vëzhgimit duke qeshur dhe u përqafuar ndërsa flisnin së bashku, pesë ditë para se të shkaktonin masakrën në kryeqytetin britanik.

Siç shkruajnë mediat e huaja, përcjell Telegrafi, Khuram Butt, 27 vjeç, Rachid Redouane, 30 vjeç, dhe Youssef Zaghba, 22 vjeç, u takuan jashtë një palestre, dhjetë minuta pas mesnatës, të hënën, më 29 maj.

Takimi klandestine ishte pesë ditë përpara se treshja vranë tetë vetë dhe plagosën dhjetëra të tjerë, para se të vriteshin nga policia.

Pamjet e marra nga mediat e huaja thuhet se tregojnë tre terroristët duke folur jashtë Qendrës së Fitnesit Ummah, ku Butt ishte duke punuar.

Filmimi gjithashtu tregon se Redouane e vë telefonin e tij celular në një grumbull materialesh ndërtimi, përpara se grupi të largohej nga kamerat për rreth 10 minuta.

Veprimet e Redouan sugjerojnë se ata ishin të shqetësuar se mund të jenë monitoruar nga shërbimet e sigurisë dhe kanë ndërmarrë hapa për të siguruar që biseda e tyre nuk u dëgjua. /Telegrafi/