Publikohen arsyet se përse Juventusit iu hoqën 15 pikë

Gjykata e Apelit ka publikuar arsyet pse Juventusi u dënua me 15 pikë në çështjen e fitimeve kapitale.

Bardhezinjve iu dha dënimi me zbritje pikësh, si dhe suspendime ndaj drejtorëve të ndryshëm aktualë dhe ish-drejtorëve, për gjoja fryrjen e vlerave të transfertave të lojtarëve për të falsifikuar fitimet e tyre kapitale.

Juventusi u shpall i pafajshëm më parë për çështjen sportive, por prokurori i FIGC kërkoi një gjyq të dytë pasi u zbuluan dokumente të reja nga hetimi i Prokurorisë Publike të Torinos.

Lexo po ashtu Ronaldo i gatshëm të dëshmojë për rastin e Juventusit

ANSA zbulon arsyet pse Gjykata e Apelit e FIGC i dha Juventusit një zbritje prej 15 pikësh, duke pretenduar se klubi “ka kryer një shkelje disiplinore sportive, duke marrë parasysh seriozitetin dhe natyrën e përsëritur dhe të zgjatur të shkeljes”.

Faji i Zonjës së Vjetër u konstatua nga gjykata falë “dokumentacionit nga drejtuesit e klubit, me vlerë publike dhe nga dorëshkrimet përkatëse, përgjimet dhe provat e mëtejshme në lidhje me fshehjen e dokumentacionit apo edhe manipulimin e faturave”.

Tani që arsyetimi është zbuluar, Juventusi është në gjendje të apelojë vendimin në Collegio di Garanzia të CONI-t.

Lexo po ashtu Juventusi do të mësojë zyrtarisht arsyet e dënimit me pikë deri të hënën

Bianconerët janë ende në rrezik të ndëshkimit nga hetimi i Prismas i drejtuar nga Prokuroria Publike e Torinos, e cila po shqyrton çështjen e fitimeve kapitale dhe marrëveshjet e supozuara të pagave sekrete me lojtarët.

FIGC gjithashtu deklaroi se:

“Për sa i përket sanksionit, Gjykata ka marrë parasysh peshën e veçantë dhe natyrën e përsëritur dhe të zgjatur të shkeljes dhe intensitetin dhe përhapjen e ndërgjegjësimit të situatës në bisedat mes drejtuesve të FC Juventus SpA”.

“Përballë një tabloje të fakteve rrënjësisht të ndryshme për shkak të sasisë mbresëlënëse të dokumenteve të marra nga Prokuroria Publike e Torinos që nxirrnin në pah qëllimshmërinë që qëndronte në bazë të ndryshimit të operacioneve të transferimit dhe vlerave relative”. /Telegrafi/

Juventus, le motivazioni della sentenza sulle plusvalenze: "Illecito grave, ripetuto e prolungato" https://t.co/OUSi1pEdJD

— TUTTOmercatoWEB (@TuttoMercatoWeb) January 30, 2023