Pse u vra Kennedy? Pesë teoritë për vrasjen e ish-presidentit amerikan!

Teksa pritet të zbulohen dokumentet e klasifikuara për një nga momentet përcaktuese të historisë amerikane të shekullit 20-të, vrasjen e Presidentit John F. Kennedy, janë të shumta teoritë se kush qëndron pas vrasjes.

Kennedy u qëllua nga Lee Harvey Oswald më 22 nëntor 1963, ndërsa vizitoi Dallas, Texas. Ka pasur spekulime pafund rreth rrethanave të vdekjes së Presidentit 46 vjeçar.

Ujku i vetmuar – versioni zyrtar

Pas ngjarjes tragjike, Presidenti Lyndon B. Johnson krijoi komisionin Warren për të hedhur dritë mbi vrasjen.

Në vitin 1964, komisioni arriti në përfundimin se Kennedy u vra nga një vrasës i vetëm, ish-marinsi amerikan Lee Harvey Oswald.

Ai qëlloi me tre plumba nga një dritare e katit të gjashtë në Departamentin e Librit Shkollor të Teksasit dhe dy plumba arritën objektivin.

Rezultatet e komisionit hodhën poshtë idenë e komplotit, por megjithatë CIA dhe FBI fshehën disa prej informacioneve.

Një revole e dytë?

Pas një dekade më vonë, vdekja e Kennedy u hetua edhe një herë – këtë herë nga Komiteti i zgjedhur i Dhomës së Përfaqësuesve të SHBA për vrasjet (HSCA).

I themeluar në vitin 1976, komiteti lëshoi raportin përfundimtar në vitin 1979, i cili u pajtua me gjetjet e Komisionit të Warrenit, megjithëse shtoi se kishte një “probabilitet të lartë” që dy persona të armatosur qëlluan ndaj Kennedy.

HSCA gjithashtu zbuloi se Kennedy ishte “ndoshta i vrarë si rezultat i një komploti”, megjithëse nuk hyri në detaje.

Komplotet komuniste

Nuk është sekret që Oswald vizitoi Bashkimin Sovjetik për shkak të bindjeve të tij marksiste. Ai u përpoq të merrte nënshtetësinë sovjetike, por dështoi.

Megjithatë, ai u zhgënjye me BRSS, i cili duket se ka siguruar arsyet për përfshirjen e supozuar sovjetike në vrasjen e Kennedy.

Disa muaj përpara vrasjes, Oswald njoftohet se vizitoi ambasadat kubane dhe sovjetike në Meksikë për të ri-aplikuar për një vizë sovjetike, por dështoi përsëri.

Mes spekulimeve të një komploti amerikan për të vrarë udhëheqësin kuban Fidel Castro, kjo i shtoi ‘lëndë djegëse” teorisë se Oswald bashkëpunoi me qeverinë kubane për të vrarë Kennedy.

Megjithatë, kjo u hodh poshtë nga Komisioni Warren, me raportin që deklaroi se as Bashkimi Sovjetik, as Kuba nuk ishin “përfshirë në vrasjen e Presidentit Kennedy”.

Komplot i CIA-s

Ndërsa tensionet me Kubën komuniste vazhduan të rriteshin, CIA tentonte të rrëzonte Castron, e cila përfshinte operacionin e tyre të keq Gjirit të Derrave.

Pavarësisht se Oswald nuk ka lidhje me CIA-n, sipas Komisionit Warren dhe HSCA, dolën disa teori duke pretenduar se agjencia donte hakmarrje për operacionin e dështuar, për të cilin fajësonte Kennedy dhe për planin e supozuar të presidentit për të shkurtuar buxhetin e saj.

Shpesh është paraqitur si “provë” është fakti se agjenti i CIA-s E. Howard Hunt dhe ushtari amerikan Frank Anthony Sturgis ishin midis tre burrave, që u fotografuan atë ditë pranë Departamentit të Librit.

Hunt ishte përfshirë në operacionin e “Gjirit të Derrave”, ndërsa Sturgis ishte një aktivist anti-Kastro.

Të tjerë thonë se vetë Oswald ishte një agjent i CIA-s, edhe pse kjo, dhe përfshirja e Hunt dhe Sturgis, u hodh poshtë gjithashtu nga Komisioni Warren.

Njeriu me çadër

Dëshmitarët e panë atë që ata thanë se ishte një njeri “i dyshimtë” që mbante një çadër, ndërsa mjeti i Kennedy po voziste, pavarësisht se ishte një ditë e qartë dhe me diell. Një teori është se ‘njeriu me çadër’ ka sinjalizuar autorët.

Njeriu u identifikuan më vonë si Louie Steven Witt, i cili shpjegoi se çadra ishte një formë proteste kundër babait të Kennedy dhe mbështetjen ndaj kryeministrit britanik Neville Chamberlain.

Chamberlain, ishte i njohur gjithashtu për mbajtjen e çadrës dhe u pa si “Hitleri i qetësuar” në krye të Luftës së Dytë Botërore dhe Kennedy ka ofruar mbështetje ndaj Chamberlain. /oranews.al/