Partia Socialdemokrate (PSD) në Ditën e Evropës, përmes një aksioni simbolik afër Ambasadës së Gjermanisë, ia ka dërguar faturën e shfrytëzimit këtij shtetit për mjekët dhe infermierët që po i merr falas nga Kosova.
Zgjim Hyseni nga PSD-ja, u shpreh se Gjermania po eksporton mallra, ndërsa po importon njerëz nga vendet e shpopulluara.
Ai theksoi se vetëm në këta katër muajt e parë të këtij viti, 91 mjekë kanë ikur nga Kosova, e të cilët po të shkolloheshin në Gjermani, do të kushtonin 18.2 milionë euro.
“Gjermania po eksporton mallra e po importon njerëz. Vendet e shpopulluara janë në anën tjetër e parajsës ekonomike atje. Burimet publike të Kosovës po e financojnë sistemin shëndetësor gjerman. E në anën tjetër, Gjermania është ekonomia e katër në botë për nga madhësia, ndërkohë janë burimet publike të Kosovës që po ia financojnë shëndetësinë. Vetëm katër muajt e parë të këtij viti prej Kosovës kanë ikur 91 mjekë. Nëse llogarisim për secilin mjekë, prej tyre po të shkollohej në Gjermani, do të bënte 200 mijë euro, atëherë i bie që 18.2 milionë euro populli i Kosovës e ka ndihmuar Gjermanin e varfër. Nëse ia shtojmë kësaj edhe 9 milionë të tjera që janë për 300 infermierë, atëherë i bie që për katër muaj, ne ia kemi kursyer Gjermanisë 27.2 milionë euro. Nëse trendi kish me vazhduar si në katër muajt e parë, i bie që na ia kursejmë Gjermanisë ose e subvencionojmë shëndetësinë gjermane për 81 milionë euro. Ky nuk është asgjë më pak sesa shfrytëzim”, tha ai.
Sipas Hysenit, Ballkani e Kosova po zbrazen si pasojë e kësaj pabarazie që po ndodh duke u thirrur në treg të lirë.
“Kjo marrëdhënie e pabarabartë duhet me ndryshuar, përndryshe nuk ka asnjë kuptim që me quajtur njëri-tjetrin partnerë. Bile nuk ka asnjë kuptim me ekzistuar Kosova si shtet nëse ekonomia po na shpopullohet, nëse është kështu duhet shtuar pyetjen pse mos të bëhet Kosova një prej landeve të Republikës Gjermane, së paku bile në atë rast kishim me i gëzuar të gjitha të drejtat dhe mbrojtjet sociale që ofrohen në Gjermani. Përndryshe, ne jemi bërë vetëm riciklim i profitit që ekziston në qendër. Për këtë arsye sot kemi ardhur këtu te Ambasada Gjermane me iu thënë se kjo është fatura e shfrytëzimit dhe kjo faturë është shumë e kufizuar sepse nuk ka të dhëna për profesione të tjera. Faturën e shfrytëzimit e kemi sjell këtu sepse këtu është një prej burimeve të pabarazisë”, thekson Hyseni.
Viteve të fundit shëndetësia kosovare po ballafaqohet me ikje të madhe të profesionistëve shëndetësor. Vetëm në vitin 2022, 205 mjekë të rinj ikën jashtë Kosovës, derisa rreth 60 specialistë shëndetësor e lanë Shërbimi Spitalor Klinik Universitar të Kosovës, për të vazhduar punën në spitalet privat në vend, ku u ofruan paga shumë më të mira.
Ndërsa, rreth 630 infermierë shkuan në vendet evropiane për të punuar. /KP/
Lufta Prigozhin - Putin
Më shumëNga Rubrika
Peci: Nëse draft-statuti nuk dërgohet në Kushtetuese, procesi i anëtarësimit të Kosovës në KiE nuk do të hyjë as në rend të ditës
Çitaku: Memli Krasniqi ka pasur kontakte me Vetëvendosjen për ta shpërndarë Kuvendin
A po i rehabiliton shteti të dënuarit për tensionet në veri?
Kosova në KiE dhe rezoluta për Srebrenicën, mediat rajonale: Vuçiq e pranoi zyrtarisht humbjen
Peci: Nëse draft-statuti nuk dërgohet në Kushtetuese, procesi i anëtarësimit të Kosovës në KiE nuk do të hyjë as në rend të ditës
Çitaku: Memli Krasniqi ka pasur kontakte me Vetëvendosjen për ta shpërndarë Kuvendin
Kryeministri malazez, Spajiq: Nuk do të heqim dorë nga NATO-ja dhe njohja e Kosovës
Kushtëzimi me Asociacionin, Kurti s’flet për qëndrimin e Gjermanisë rreth anëtarësimit të Kosovës në KiE
Publikohet dosja, si e rekrutoi inteligjenca ruse Mikhail Zorin të vinte në Shqipëri dhe të mblidhte informacione
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Harry Kane i përgjigjet incidentit të penalltisë me Jude Bellingham me një përgjigje të qartë
Ancelotti tregohet i sinqertë për lojën që bëri Bayerni përballë Realit
Tchouameni ndërpreu Mullerin në intervistë, krijohet situatë qesharake mes dyshes
Tifozja shqiptare e mbështjellur me flamurin kombëtar në tribunat e Allianz Arenas për ndeshjen Bayern-Real
Kosova në KiE dhe rezoluta për Srebrenicën, mediat rajonale: Vuçiq e pranoi zyrtarisht humbjen
Peci: Nëse draft-statuti nuk dërgohet në Kushtetuese, procesi i anëtarësimit të Kosovës në KiE nuk do të hyjë as në rend të ditës