Procesi i njohjes së Pavarësisë së Kosovës nga shtetet tjera të BE-së, po ecën me vështirësi për shkak të propagandës që po bën Serbia.
Kështu të paktën deklaroi sot ministri i Punëve të Jashtme, Behgjet Pacolli, gjatë raportimit në Komisionin për Punë të Jashtme në Kuvendin e Kosovës.
“Procesi i njohjeve është i vështirë, e jo i lehtë. Ne nuk ndalojmë. Po veprojmë me intensitet të përshpejtuar. Beogradi nuk po kursen asgjë. Synim kanë tërheqjen e njohjeve nga shtetet tjera për Kosovën”, deklaroi Pacolli.
Lidhur me këtë propagandë të Serbisë karshi njohjes së Pavarësisë së Kosovës, Jeta Krasniqi nga KDI ka thënë për Telegrafin se diplomacia e ashpër e Serbisë kundër shtetit të Kosovës shkon në kundërshtim me procesin e normalizimit të marrëdhënieve në mes dy shteteve.
“Të dy shtetet janë angazhuar prej 8 vitesh në një proces dialogu i cili ka synuar ndër të tjera dhe përmbylljen e të gjithave çështjeve të hapura në mes dy vendeve, dhe kjo qasje destruktive e palës serbe patjetër që duhet të jetë thirrje ndaj BE-së dhe shteteve anëtare të saj për të kërkuar nga Serbia sa më parë të heq dorë nga sjellje të tilla dhe të gjej forcën për tu përballur me realitetin që Kosova tashmë është shtet i pavarur dhe sovran”, ka thënë Krasniqi.
Ajo ka theksuar se pala kosovare duhet të reflektoj qëndrimin e saj në të ardhmen e dialogut Kosovë-Serbi, në radhë të parë duke ndërtuar konsensus politik mbi pritshmërit e palës kosovare në këto bisedime, përfshirë këtu epilogun I cili pa asnjë dyshim se duhet të jetë njohja reciproke.
“Pala kosovare duhet të jetë serioze në këtë proces dhe të tejkaloj politikat ditore dhe të gjej konsensus për këtë çështje shtetërore. Dhe më pas pala kosovare duhet të kërkoj nga lehtësuesi i këtij procesi, pra BE që të ofroj garanci për këtë proces, dhe të ndëshkoj palët në rrugëtimin e tyre drejtë BE-së në raste të sjelljeve të tilla të cila nuk cenojnë vetëm vlerat e BE-së – siç është fqinjësia e mirë dhe vet frymën e paqes dhe stabilitetit.
Pra BE duhet të kërkoj nga Serbia që të ul tonet e saj të ashpra në relacion me Kosovën dhe të përmbush obligimet e saj për normalizim marrëdhëniesh duke e ndërlidhur këtë proces me rrugëtimin e Serbisë në BE”, u shpreh Jeta Krasniqi, menaxhere e projektit të dialogut në Institutin Demokratik të Kosovës.
Krasniqi tutje shtoi se shteti i Kosovës duhet në mënyrë të vazhdueshme të loboj për të konsoliduar subjektivitetin e saj ndërkombëtar, duke dëshmuar rolin e saj në promovimin e paqes dhe stabilitetit, dhe rolin që mund të luan në arenën ndërkombëtare.
Vlen të theksojmë se ministri i Jashtëm i Serbisë, Ivica Daçiq në vazhdimësi është duke lobuar për tërheqjen e njohjeve për Kosovën, duke bërë të qartë qëndrimin e shtetit serb karshi Pavarësisë së Kosovës. /Telegrafi/
Promo
Reklamo këtuLufta Prigozhin - Putin
Më shumëKryeministri tha se marrëveshja e 2015-ës me Serbinë shkel Kushtetutën, reagon Mustafa: Është sajesë dhe gënjeshtër e Kurtit
Çka po synon Serbia me testimin e armëve në kufi me Kosovën, flasin ish-ushtarakët
Vuçiq e quan “hipokrit” reagimin e ndërkombëtarëve për ndalimin e qytetarëve të Kosovës
Policia kërkon ndihmë për identifikim e dy të dyshuarve për "shpërdorim të pasurisë së huaj"
Marrëveshja mes Kosovës e Serbisë, Kurti: Në këtë 11-vjetor shteti serb në Peshter të Sanxhakut do të lansojë ushtrime me dronë luftarakë kamikazë
Kurti ironizon me ushtrimet e ushtrisë serbe: Paraqesin ndotje të ajrit e tokës
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Çfarë janë retë artificiale dhe a shkaktuan përmbytjet e mëdha në Dubai?
Gazeta ukrainase: Pse vendimi i Asamblesë Parlamentare të Këshillit të Evropës për Kosovën është humbje historike për Serbinë
“Vetëm një skuadër në Evropë është më e mirë se Bayern Munich” – legjenda e bavarezëve flet për Tuchel dhe ecurinë e klubit
Parandalohet vrasja e Volodymyr Zelenskyt - arrestohet shtetasi polak që bashkëpunonte me rusët
Zyrtare: Serie A do të ketë pesë skuadra në Ligën e Kampionëve për sezonin 2024/25
Policia serbe e dërgon në paraburgim mërgimtarin nga Gjakova që e arrestoi në kufi