Propaganda e Kremlinit ua ka shpëlarë trurin rusëve, mësueset besojnë se kapela me folje i mbron nga rrezatimi

Një i ri nga Rusia ka arritur edhe një herë të mashtrojë mësueset ruse – duke i bindur se kapelat e punuara nga folja do t’i mbrojnë ato nga armiqtë e jashtëm.

Mësueset nga disa shkolla në Voronezh të Rusisë, u panë duke bartur kapela me folje, ku i riu me këtë veprim deshi të tregojë se si propaganda e Kremlinit ua ka shpëlarë trurin, transmeton Telegrafi.

Ishte Vladislav Vladik Bohan, i cili i bindi se mbulimi i kokës me kapelë të foljes do t’i mbrojë mësueset dhe nxënësit e tyre nga rrezatimi i satelitëve të “NATO-s”.

Bokhan tha se rusët janë aq të vendosur t’i binden Vladimir Putini, sa që çdo instruksioni të tij i besojnë verbërisht, pavarësisht se sa qesharak mund të jetë.

Në videon e publikuar më poshtë, një mësuese dëgjohet duke thënë: “kapela me folje nuk është vetëm aktivitet kreativ, por është një akt i rëndësishëm patriotik, që simbolizon gatishmërinë për ta mbrojtur atdheun nga kërcënimet e jashtme”.

Bokhan, ish-arsimtar i historisë që tani jeton në ekzil tha se gjatë karrierës së tij ka ndërmarr veprime të fuqishme nëpër shkolla ruse, duke menduar se kishin arritur pikun e absurditetit – derisa tani me këtë veprim të mësueseve është habitur me veten.

Ai arriti të mashtrojë mësueset ruse për të besuar se vendet perëndimore planifikojnë të rrezatojnë popullin rus, si në aspektin fizik ashtu dhe atë biologjik. /Telegrafi/