Femra Modë Moda

Pronarja e butikut “House of Zana” fiton gjyqin kundër “Zara” rreth emrit të markës

Para 2 vitesh

Pronarja e një butiku të vogël thotë se është ‘mbi re’ pasi fitoi një betejë me gjigantin e modës, “Zara”.

Amber Kotrri, e cila drejton “House of Zana” me bazë në Darlington, i ishte thënë nga shitësi që biznesi i saj ishte “konceptualisht identik”. “Zara” kishte argumentuar se kishte një “shkallë të lartë ngjashmërie vizuale dhe orale” midis dy markave.

Por një gjykatë zbuloi se lidhja ishte “shumë e parëndësishme”. Ajo tha se gjykimi ishte një “peshë e vërtetë mbi supet e mia”, shkruan BBC.

Nëna e tre fëmijëve, zonja Kotrri thotë se kjo i ka kushtuar kohë me fëmijët e saj

“Ka qenë më shumë se një vit dhe shumë stresues në jetën time në shtëpi, si nënë e tre fëmijëve të vegjël, si dhe në biznes, pasi ka pasur orë e orë të tëra për përgatitjen e dokumenteve të provave. Data e lindjes së vajzës sime përkoi me kohën kur u kërkuan provat e fundit, kështu që nuk ka qenë e lehtë”, tha ajo.

Zonja Kotrri tha se kishte marrë një email që e informonte për vendimin e gjykatës ndërsa ishte në një vizitë në teatër me tre fëmijët e saj – por iu deshën disa ditë për të krijuar guximin për ta hapur atë. “Ishte një dokument mjaft i gjatë dhe unë nuk mund të kuptoja shumë prej tij pasi kisha emocione”, tha ajo.

Megjithatë, ajo tha se pa fjalët ” kundërshtimi është i pasuksesshëm” dhe ishte e lehtësuar që do të ishte në gjendje të vazhdonte të rriste biznesin. “Ka qenë shumë stresuese – por ne fituam”, shtoi ajo.

Në maj, zonja Kotrri, e cila përfaqësonte veten në gjykatë, tha në seancën se nuk kishte “nuk kishte gjasa” për të ngatërruar markat.

“Zara” kishte argumentuar se aplikimi për markën tregtare “House of Zana” duhet të refuzohej sepse ishte shumë i ngjashëm në emër, gjë që mund të rezultonte në ngatërrimin e një marke tregtare me një tjetër nga klientët. Julia King, që përfaqëson “Zara”, tha se mund të përbëjë një “kërcënim serioz” për “Zara” nëse tregu është i mbushur me marka që duken dhe ‘dëgjohen’ të ngjashme.

Megjithatë, regjistruesi i gjykatës Matthew Williams vendosi se ishte i kënaqur që çdo “lidhje mendore” e bërë nga klientët midis “House of Zana” dhe “Zara” do të ishte “shumë e parëndësishme dhe e shkurtër” për të rezultuar në një “shfrytëzim” të reputacionit të “Zara”.

‘Shqip për zanat’

Ai tha se të dy markat ishin “vizualisht dhe dëgjimisht të ngjashme në një shkallë midis të ulët dhe të mesme”.

Zonja Kotrri, bashkëshorti i së cilës është shqiptar, krijoi dhe e quajti kompaninë e saj në vitin 2019 sipas fjalës së vendit ballkanik për “Fairies” (Zanat e malit).

Ajo tha se u kontaktua nga avokatët e “Zara” vitin e kaluar pasi u përpoq të regjistronte markën e saj.

Zonja Kotrri tha se kishte qenë gjithashtu në kontakt me më shumë se 10 pronarë të tjerë të bizneseve të vogla të cilët ishin kontaktuar nga kompania e modës duke u kërkuar atyre që të riemëroheshin për shkak të ngjashmërive me emrat e tyre. /Telegrafi/