Pronarëve nga Katari për ta dërguar PSG-në në finale të Ligës së Kampionëve iu desh të harxhojnë 1,2 miliard euro

Në nëntor të vitit 2011, Qatari Sports Investments (QSI), bleu klubin e Paris Saint-Germain për 50 milionë euro.

Objektivi ishte i qartë – ngritja e PSG-së në elitën e futbollit evropian dhe rikthimi në forcë mbizotëruese në Ligue 1 .

Tani, gati një dekadë më vonë, ata kanë arritur në finalen e tyre të parë të Ligës së Kampionëve pasi mposhtën RB Leipzig me rezultat 3-0.

Nasser Al-Khelaifi, një ish lojtar profesionist i tenist, ka udhëhequr projektin e QSI që nga fillimi, duke mbajtur rolin e presidentit dhe drejtorit të përgjithshëm.

Al-Khelaifi po ashtu angazhohet edhe në Federatës së Tenisit të Katarit dhe BeIN Sports.

Për të arritur qëllimin e tyre, PSG ka investuar 1.268 miliard euro në 43 blerje të ndryshme.

Të parët që arrin ishin Thiago Silva dhe Javier Pastore (të dy nga 42 milionë euro), ndërsa Zlatan Ibrahimovic (21 milionë euro), pastaj Edinson Cavani (64.5 ), Angel Di Maria (63) dhe David Luiz (49.5).

Në verën e vitit 2017, PSG shkoi në një nivel tjetër, duke paguar klauzolën prej 222 milionë euro për të paguar Neymar, ndërsa pastaj siguroi edhe Kylian Mbappe si huazim me detyrim blerje nga Monaco për 145 milion euro.

Në sulmues PSG ka shpenzuar më shumë para, me 685 milionë euro të dedikuara vetëm për sulmues të rinj.

klubi francez ka shpenzuar 306 milionë euro për mesfushorët, 247 milionë euro për mbrojtësit dhe 28 milionë euro për portierët.

Për më tepër, PSG ka preferuar t’i shpenzojë paratë e tyre në Spanjë (333 milionë euro) dhe Itali (323 milionë), dhe në tregut francez (214 milionë euro). /Telegrafi/