Përfundon intervistimi i Flora Brovinës, nuk deklarohet për media

E plotësuar– Ka përfunduar intervistimi i deputetes së PDK-së, Flora Brovina nga ana e policisë.

E njëjta është larguar dhe nuk është prononcuar për media.

Intervistimi i Brovinës ka ardhur si rezultat i publikimit të një fotografie me pretendimin se ishte dëshmi e dhunimeve që kishin kryer serbët gjatë luftës në Kosovë. /Telegrafi/

————

Flora Brovina po intervistohet nga policia

E plotësuar- Telegrafi merr vesh që deputetja e PDK-së, Flora Brovina e cila publikoi të enjten një fotografi me pretendimin se ishte dëshmi e dhunimeve që kishin kryer serbët gjatë luftës në Kosovë është duke dhënë deklaratë në stacionin e Policisë së Kosovës, në Prishtinë.

——-

Prokuroria nuk konfirmon se Flora Brovina po intervistohet pas publikimit të fotografisë

Pas publikimit të fotografisë ku shihet një grua duke u dhunuar gjatë luftës, nga deputetja e PDK-së, Flora Brovina e cila pretendoi se kjo fotografi ishte dëshmi e dhunimeve që kishin kryer serbët gjatë luftës, pati reagime të ashpra.

Mirëpo, kjo fotografi  dyshohet të mos jetë e vërtetë pasi që u zbulua nga mediat se fotografia është marrë nga një faqe pornografike.

E për këtë gjë sot në media është raportuar se deputetja Flora Brovina është duke u intervistuar.

Mirëpo të kontaktuar nga Telegrafi, zyrtar nga Prokuroria Speciale nuk e kanë konfirmuar një gjë të tillë.

Ndryshe dje Prokuroria Speciale e Republikës së Kosovës, ka njoftuar se do të hap hetim lidhur me publikimin e asaj fotografie dhe se deputetja Brovina do të ftohet për dhënien e informacionit lidhur me viktimën për të cilën ajo pohon se është e gjallë, si dhe, dorëzimin e fotos dhe dëshmive që ajo pohon se i ka lidhur me këtë rast dhe raste të tjera. /Telegrafi/