“Profesionalizmi” i ushtrisë së Putinit, shtien me armë gjatë një eventi dhe tmerrojnë turmën – lëndohen fëmijët rusë që ishin prezentë

Ky është momenti kur forcat e Vladimir Putinit fillojnë të shtien me armë në prezencë të turmës që ishte kryesisht me fëmijë, që filluan të bërtasin dhe qajnë nga frika – madje një djalë 4-vjeçar u dërgua në spital si pasojë e lëndimit në kokë.

Në videon amatore, shfaqet grupi i pjesëtarë të grupit të ushtarëve rusë nga Garda Kombëtare, të cilët gjatë një performancë shtien me armë para spektatorëve – duke shkrepur plumba për stërvitje (jovdekjeprurës), transmeton Telegrafi.

Por fëmijët që ishin në turmë shihen duke mbuluar fytyrën dhe veshët nga shpërthimet e fuqishme që shkaktohen nga “elita” e armëve të RosGvardia, në ngjarjen që u organizua në qytetin Elektrostal, 45 kilometra në lindje të Moskës.

Lexo po ashtu Ushtarët ukrainas çlirojnë Robotyne, banorët i presin me përqafime e lot gëzimi

“Qfarë (po ndodhë) me ty? A të goditi diçka”, dëgjohet duke bërtitur një grua, e cila vazhdoi “eja këtu… a të goditi diçka? Qetësohu”.

Disa sekonda më vonë kupton se djali i saj ishte lënduar. Ai kishte pësuar lëndime pasi baroti që vetëm bën zhurmë kishte kërcyer nga arma dhe kishte prekur fytyrën e tij.

Ai së bashku me një grua 54-vjeçe u dërguan në spitalin më të afërt për trajtim, nga ku u bë e ditur se kishin pësuar lëndime në fytyrë.

Gruaja kishte thyer dy dhëmbët, lënduar qafën dhe mjekët kishin propozuar një ndërhyrje kirurgjike për të shmangur më të keqen. /Telegrafi/