Plenumi i mësimdhënësve me një listë të gjatë të kërkesave do të mundohet ta përmirësojë gjendjen në sistemin arsimor në vend. Në fillim të vitit të ri shkollor, mësimdhënësit dhe nxënësit ballafaqohen me problemet e vjetra, thotë profesori Enver Ajdini, njëri nga themeluesit e Plenumit të mësimdhënësve, në një intervistë për Radio Evropa e Lirë. Libra të dëmtuar dhe jocilësor, paga të ulëta për punëtorët në arsim, mbajtja e dy, në vend të një ditari, eksperimente të vazhdueshme me programin mësimor pa konsultime me mësimdhënësit dhe prindët, si dhe klasa me numër të madh të nxënësve ku nuk ka kushte për mbajtje të procesit arsimor, janë pjesë e problemeve me të cilat përballen mësimdhënësit në Maqedoni, përcjell Telegrafi Maqedoni.
Në pyetjen se cilat janë çështjet që do të shkaktojnë pengesa më të mëdha për mësimdhënësit në vend, ai u përgjigj se atë që na pret nuk e di, por di atë që duam si Plenum. Ajdini u shpreh se është shenjë e mirë ndalja e testimit ekstern, diçka që i ka munduar me vite të tëra të punësuarit në arsim, por vazhdoi duke thënë se ai test nuk ishte problemi i vetëm i arsimit në vend. Ndër problemet më të mundimshme është paga e ulët e mësimdhënësve, gjegjësisht rritja e pagës që premtohet që nga viti 2010, por assesi nuk realizohet.
Problem tjetër është, për shembull, ditari elektronik. Në të gjitha debatet dhe mbledhjet e mësimdhënësve u konstatua qartë se mësimdhënësit duan të punojnë vetëm me një ditë, ose ai i rëndomtë ose ai elektronik dhe për numrin më të madh të tyre më praktike është të punohet me ditarin e rëndomtë.
Tjetër çështje problematike në arsim është edhe programi Cambridge, për të cilin mund të propozojmë ose tërheqje të plotë ose ndryshime rrënjësore në projekt, librat janë me të vërtetë jocilësorë dhe nuk mund të anashkalohen elementet teknike në to. Në kohën kur filloi zbatimi i masës për libra falas, u përmend se ata do të ndërrohen në çdo 2-3 vite për shkak të vjetërsimit, por kjo nuk bëhet, krahas kësaj çdoherë kemi mungesë librash.
Këto janë vetëm disa nga problemet e sistemit arsimor në vend, tha Ajdini, duke theksuar se nuk janë të kënaqur nga puna e SASHK dhe ndoshta në të ardhmen mund të flitet për themelimin e një sindikate tjetër në arsim dhe nëse anëtarësia e Plenumit të mësimdhënësve, që numëron rreth 1600 anëtarë vendos për diçka të tillë, pse jo./Telegrafi/
Lufta Prigozhin - Putin
Më shumëNga Rubrika
Të dëmtuarit thonë se i akuzuari Bajroviq së bashku me paramilitarët e tjerë i kishin maltretuar gjatë luftës
Inspektorati i Prishtinës në aksion, shqipton gjoba e konfiskon targa
40 studiues shqiptarë dhe të huaj kërkojnë nga qeveria shqiptare mbrojtjen e Deltës së Vjosës
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
Suspendimi i profesorit Krasniqi pas akuzave për ngacmim seksual, dekani i Fakultetit të Edukimit tregon detaje të vendimit
A do t'i "shpëtojë" Albin Kurti Asociacionit të komunave me shumicë serbe, flasin analistët
Kurti: Anëtarësimi në KiE, hapi i parë drejt bashkimit me familjen evropiane
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Inspektorati i Prishtinës në aksion, shqipton gjoba e konfiskon targa
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Këto janë vendet ku TikTok tashmë është i ndaluar – dhe nuk janë pak
Florin Krasniqi kërkon mbi 28 milionë euro dëmshpërblim nga Mali i Zi
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
Teknologjia e vijës së portës ka analizuar golin në El Clasico, është konfirmuar se ishte apo nuk ishte
Zelensky tregon tri llojet e armëve që i duhen Ukrainës për të mposhtur Rusinë
Zbulohet favoriti i ri për të fituar Topin e Artë 2024: Haaland mbetet mbrapa në garë