Perisic: Do japim maksimumin ndaj Greqisë, nuk kemi frikë

Kroacia do të përballet me Greqinë të enjten e 9 nëntorit, në takimin e parë të vlefshëm për play off-in e botërorit ‘Rusi 2018’.

Mesfushori i Interit, Ivan Perisic është shprehur optimist për këtë takim, ndërsa ka kërkuar që Kroacia ta sigurojë kualifikimin që në ndeshjen e parë, në shtëpinë e saj.

“Do të jetë një sfidë interesante, por dua që të fitojmë patjetër në shtëpi, për të mos e lënë çështjen e kualifikimit, për ndeshjen e kthimit në Greqi”.

“E dimë që ata janë mjaft të fortë në mbrojtje, por edhe ne jemi shumë të mirë në sulm, ndaj duhet të përballemi pa frikë dhe të marrim maksimumin në këtë takim të parë, tha kroati.

Perisic vlerësoi gjendjen e skuadrës kroate para këtij takimi deçiziv dhe u shpreh se futbollistët janë të gjithë në formë dhe të motivuar për të marrë më të mirën.

Takimi i kthimit mes këtyre dy ekipeve do të luhet tre ditë më pas, më datë 12 nëntor, në Athinë.

Vlen të theksohet anësori ka treguar paraqitje fantastike me Interin në Serie A këtë sezon. /SS/