Prishtina dhe Ballkani mbyllin përgatitjet e fundit në ‘Fadil Vokrri’ para finales në Kupën e Kosovës

Prishtina dhe Ballkani i kanë kompletuar seancat stërvitore për përballjen e tyre në finalen e Kupës së Kosovës.

Bardhekaltrit dhe suharekasit do të takohen nesër (e mërkure) në ora 17:45 në stadiumin ‘Fadil Vokrri’ për të përcaktuar fituesin e dytë më të rëndësishëm në vend.

Përballja mes Prishtinës dhe Ballkanit do të jetë e fundit për edicionin 2019/20 në futbollin kosovar, por edhe që do të përcaktojë skuadrën e tretë që do luajë në Evropë.

Drita tashmë e shpallur kampion, do të luajë në Ligën e Kampionëve, derisa Gjilani që përfundoi në vendin e dytë luan në Ligën e Evropës.

Prishtina dhe Ballkani do të kërkojnë po ashtu një vend në garën evropiane, mirëpo është vetëm një vend dhe skuadra që fiton të mërkurën, shkon në parakualifikimet e garës së dytë më të madhe në kontinentin e vjetër.

Si lojtarët e skuadrës kryeqytetase, po ashtu edhe ata nga Theranda dukeshin në diskonim për takimin që zjarrët që i pret në stadiumin që mbanë emrin e legjendës së futbollit kosovar. /Telegrafi/

https://www.facebook.com/fcballkani/posts/2678710262366675?__xts__%5B0%5D=68.ARChOhTmsctWIsQTJjF9fWWeyoi66p5lb_6Eufppsij_pPgg5EeLIurNB-3nWJqR-HIndj9jE_TnVSNg7SzD5tDByXLWkg7_hrbH_QmuScofwvx8_LsRxSjTwkPQ9eYGSuC-dsGTGZg_d7QK9nh2DmldJHQZufcK9619ovF1Qif_0W7y13dRN2Jnu3Cgi6cG_8n7DzsnuotVkNOuWPHTo3y3n6d_u5OUMLFuLuugczaA-OL6wDCV3NwbU-XZ2NMPT9ScFyYiWQb6AOAwgmrNK391NLGee8ZSqaTjkoc-K4WDsj5tZ4n2p0D7sGnuevU_9uzmgdv9xleBgPh7phQFLnizluad&__tn__=-R