Prishtina me 41 të infektuar, këto janë komunat ku u konfirmuan rastet e reja me coronavirus

Instituti Kombëtar i Shëndetësisë Publike në Kosovë, ka njoftuar se sot janë konfirmuar edhe 82 raste të reja me coronavirus, duke çuar kështu në 1 mijë e 998 numrin e personave të infektuar.

IKSHPK bën të ditur se sot janë testuar gjithsej 456 mostra të marra nga Klinika Infektive dhe gjurmimi i kontakteve të rasteve në terren, transmeton Telegrafi.

Gjithashtu, IKSHPK ka njoftuar se sot janë shëruar 7 pacientë derisa numri i përgjithshëm i të shëruarve deri më sot është gjithsej 980 raste.

Lexo po ashtu Edhe 82 raste me coronvirus në Kosovë, shtatë të shëruar

Më së shumti raste janë konfirmuar në Prishtinë, gjithsej 41 raste.

Në komunën e Gjakovës 14 raste. Në komunën e Vushtrrisë 7 raste.

Në komunën e Prizrenit 5 raste, në komunën e Ferizajit 3 raste, komuna e Vitisë 3 raste.

Në komunën e Podujevës 2 raste, komuna e Fushë Kosovës 2 raste dhe me nga 1 rast komunat: Klinë, Lipjan, Obiliq, Mamushë dhe Rahovec.

IKSHPK ka kërkuar nga qytetarët që të respektojnë masat mbrojtëse ndaj virusit.

“Apelojmë te qytetarët, bizneset, gastronomia, që në mënyrë strikte të respektojnë distancën fizike, përdorimin e maskave, dezinfektimin dhe ajrosjen e lokaleve, duke pamundësuar përhapjen eventuale të infeksionit dhe shmangien e përhapjes në hapësirat e mbyllura”./Telegrafi/