Prindërit u tronditën kur gjetën gjarprin në shtratin e fëmijëve, ishte thuajse e pamundur ta dallonin

Një familje australiane u tmerrua kur gjeti një gjarpër helmues në shtratin e vajzës së tyre. Për t’i bërë gjërat edhe më keq, gjarpri u fsheh mes lodrave dhe ishte pothuajse i pamundur të dallohej.

Familja thirri Snake Catchers Brisbane & Gold Coast për t’i ndihmuar ata të largonin mysafirin e padëshiruar. Doli të ishte një gjarpër i zi me bark të kuq, një specie helmuese që gjendet në të gjithë Australinë lindore.

Sipas Australian Geographic, gjarpri njihet lehtësisht nga barku i kuq; ka një ndërtim të fortë. Ai kafshon disa njerëz në Australi çdo vit, por asnjë vdekje nuk është raportuar.

Ashtu si shumë kafshë, gjarpërinjtë janë në fakt mjaft të turpshëm dhe do të veprojnë në mënyrë agresive vetëm nëse ndihen të kërcënuar.

Gjahtarët e gjarpinjve publikuan një video të gjarprit dhe nxjerrjen e tij nga dhoma e fëmijëve. Ata besojnë se ajo ka hyrë në shtëpi nga një derë e hapur. /Telegrafi/