Në janar të vitit 2014, kur studentë e qytetarë protestonin kundër rektorit të atëhershëm të Universitetit të Prishtinës, Ibrahim Gashi, pasi ishte zbuluar plagjiati i tij i botuar në një revistë të rreme indiane, prindërit e Astrit Deharit kishin dalë për t'u shërbyer çaj e ushqim protestuesve.
Në disa video të publikuara nga mediat që kishin raportuar nga kjo protestë, Periskopi ka shkëputur pamje ku shihen Xhemile e Avni Dehari gjersa hyjnë brenda oborrit të Rektoratit ku qëndronin protestuesit dhe fillojnë t’u shpërndajnë çajin e ushqimin në kushte të acarta klimatike.
Studentët ishin ballafaquar për disa ditë me radhë me forcat policore që mbronin objektin e Rektoratit nga studentët.
Kishte momente kur situata eskalonte edhe në dhunë ndërmjet policëve e protestuesve.
Me masivizimin e protestave Gashi ishte dorëhequr, për t’i lëshuar udhë ardhjes së Zejnullah Ramadanit në krye të UP-së. Videon mund ta shikoni edhe KËTU./Periskopi/
https://periskopi.com/wp-content/uploads/2016/11/familja-Dehari-sh%C3%ABrbenin-%C3%A7aj-t%C3%AB-nxeht%C3%AB-student%C3%ABve-protestues-PER-WEB.mp4
