Presidenti i Tottenhamit ia mbyll derën Realit për Kane

Presidenti i Tottenham Hotspur, Daniel Levy ka hedhur poshtë spekulimet që lidhin Harry Kane dhe Dele Alli me disa nga klubet më të mëdha të Evropës, veçanërisht me Real Madridin.

24-vjeçari Kane, i cili shënoi më shumë gola në ligat evropiane në vitin 2017, ka tërhequr interesimin e Real Madridit.

Kjo pasi klubi mbretëror e sheh sulmuesin e fortë anglez si një zëvendësim ideal për të ‘plakurin’ Karim Benzema.

Lexo po ashtu Adidas i ofron ndihmë Realit për të transferuar Kanen

Deri më tani Alli ka pasur një sezon pa vazhdimësi të mirë më 2017/18, por kjo nuk ka ndaluar PSG-në për të transferuar 21-vjeçarin anglez.

Megjithatë, me Tottenhamin që do të zhvendoset në stadiumin e tyre të ri në sezonin e ardhshëm, Levy nuk ka plane për të shitur dy lojtarët kryesorë të klubit.

“Unë jam 100 për qind i sigurt. Çdo lojtar që duam të mbajmë, mund t’ju siguroj se do të luaj për Tottenham Hotspur sezonin e ardhshëm”, ka thënë Levy për Sky Sports News.

Lexo po ashtu Kane: Kam sakrifikuar shumë për t'i mposhtur dy futbollistët më të mirë në botë, Messi dhe CR7

Ndryshe, ditëve të kaluara është folur për një ofertë gjigante të Realit për Kane, në të cilën përfshihet edhe Gareth Bale si pjesë e marrëveshjes.

Në anën tjetër, çmimi që do të bënte Kane të largohet nga Tottenhami besohet të jetë mbi 200 milionë euro. /Telegrafi/