Presidenti slloven kundër ndryshimit të kufijve në Ballkanin Perëndimor

Sot është mbajtur forumi i Bledit në Slloveni teksa ishin të ftuar përfaqësues të shteteve ballkanike dhe Bashkimit Evropian.

Presidenti i Sllovenisë, Borut Pahor, tha në Bled se shtyrja e zgjerimit të Bashkimit Evropian në Ballkanin Perëndimor mund të ketë pasoja të padëshirueshme nga të dy palët.

“Ballkani Perëndimor është pjesë e Evropës dhe duhet të marrë pjesë në diskutimin mbi të ardhmen e tij”, tha ai në hapjen e panelit “E ardhmja e Evropës” në Forumin e 16 -të Strategjik të Bled.

President Pahor delivered a keynote address at the Leader's Panel on the enlargement of the EU to the Western Balkans. Read the full keynote address ➡️ https://t.co/x1oPoYJY7L @BledStratForum #BSF2021 pic.twitter.com/4PpP9Iib4h

— Borut Pahor (@BorutPahor) September 1, 2021

Ai shtoi se po shfaqen edhe ide të rrezikshme për ndryshimin e kufijve, të cilat, siç tha ai, nuk përfundojnë kurrë në paqe.

“Unë besoj se në strategjinë e saj të zgjerimit të BE-së, Ballkani Perëndimor duhet parë në tërësi dhe jo veçmas si tani”, shtoi Pahor.

Ai theksoi se rajoni duhet të bëjë më shumë për të qenë tërheqës dhe mbështeti nismën për “Open Balkan”, duke shtuar se ai besonte se nuk ishte një alternativë ndaj BE -së, por pjesë e rrugës së pranimit.

Lexo po ashtu ​Kurti në Slloveni: Kosova synon sa më shpejt anëtarësimin në BE e NATO - partneriteti me SHBA-në, i rëndësishëm dhe i fortë

Ndryshe, kryeministri i Kosovës, Albin Kurti ka pohuar se vendi ynë synon sa më shpejt anëtarësimin në BE e NATO – partneriteti me SHBA-në, i rëndësishëm dhe i fortë. /Telegrafi/

On the margins of #BSF I was able to meet the President of Slovenia, Mr. Borut Pahor, and express my gratitude for his support to Kosova on our path to Euro-Atlantic integration. Slovenian Presidency of the Council of the EU will contribute to strengthening the WB6’s resilience. pic.twitter.com/fvlcvXPo2m

— Albin Kurti (@albinkurti) September 1, 2021