Presidenti i Interit, Zhang: Kemi treguar se kemi aftësi për të arritur majat

Presidenti i Interit, Steven Zhang ka thënë se një klub i qëndrueshëm dhe rezultatet financiare janë thelbësore, ndërsa beson se Nerazzurrët kanë treguar se mund të konkurrojnë me klubet kryesore evropiane.

Interi përfundoi i dyti në Serie A, arriti në gjysmë-finale të Coppa Italia dhe përfundoi nën-kampion në Ligën e Evropës sezonin e kaluar dhe Zhang ka thënë se është i lumtur me grupin që ai ka krijuar në Pinetina.

“Ne duhet të përpiqemi të fitojmë, ose në çdo rast të përpiqemi të luajmë më së miri”, ka thënë fillimisht Zhang për SportLab.

Lexo po ashtu Të gjitha lajmet rreth Interit

“Ne kemi nevojë për një klub të qëndrueshëm, rezultate financiare dhe një organizim të shkëlqyeshëm”.

“Bërja e atyre që na shikojnë të lumtur dhe sjellin energji pozitive përmes rezultateve tona në fushë dhe financiarisht janë çelësat”.

“Kjo ka qenë puna jonë për tre vitet e fundit dhe do të jetë për 10, 20 vitet e ardhshme, mbase përgjithmonë”.

“Ne i kemi treguar botës se kemi aftësinë për të konkurruar në nivelin më të lartë. Jam i lumtur që kam mbledhur një grup njerëzish brenda dhe jashtë dhomës së zhveshjes që besojnë në projekt”.

“Të gjithë duhet të punojnë së bashku për ta arritur këtë, të gjithë e dinë se ky është synimi”, përfundoi presidenti i Interit. /Telegrafi/