Kanë kaluar më shumë se 40 ditë nga koha kur katër kryetarët e komunave veriore të Kosovës me shumicë serbe dhanë dorëheqje.
Ndërkohë tashmë kanë kaluar të gjitha afatet ligjore për shqyrtimin e këtyre dorëheqjeve, por Zyra Ligjore në Ministrinë e Administrimit të Pushtetit Lokal ende nuk ka dalë me vendim nëse duhet të pranohen këto dorëheqje ose jo.
Lidhur me këtë, Ahmet Rushiti nga KDI ka thënë për Telegrafin se vendimi i tyre për dorëheqje është politik dhe se nuk dihet saktë se si e kanë paraqitur dorëheqjen e tyre pasi që MAPL po kërkon interpretim ligjor të tyre.
“Arsyeja përse po neglizhohet ky rast është për shkak të situatës së ndjeshme në veri të vendit, ose mund të jetë pjesë e lojës së Listës Serbe njëjtë siç kanë vepruar me dorëheqjet e tyre në Qeverinë e Kosovës, ku vazhdojnë ti mbajnë pezull pozitat e tyre ndërkaq ende paguhen nga buxheti i Kosovës. Edhe në këtë rast mendoj se MAPL dhe Qeveria e Kosovës janë duke përgatitur një interpretim dhe komentim ligjor të këtij procesi dhe që pastaj pas një vendimi politik, ndoshta mund të ketë një rikthim të këtyre kryetarëve në pozitat e tyre ose thjeshtë të mbahen pezull këto pozita”, ka thënë Rushiti.
Më tej, Rushiti ka theksuar se kryetarët e komunave e marrin mandatin nga qytetarët dhe e dorëzojnë para qytetarëve, dhe se presidenca duhet të kërkojë që të shkohet në zgjedhje në këto komuna.
“Presidenca të rekomandoj që sipas ligjeve në fuqi të shkohet në zgjedhje të jashtëzakonshme dhe që përbërja aktuale e KQZ-së ti organizojë këto zgjedhje. Mirëpo, rreziku i kësaj qëndron se nëse vendoset për zgjedhje të jashtëzakonshme në këto katër komuna, Lista Serbe si forcë dominante në këtë pjesë mund të kërkojë bojkotimin e tyre nga qytetarët e këtyre komunave, dhe që mund të ndikonte në legjitimitetin qytetar të këtyre zgjedhjeve. Por, frika më e madhe qëndron se kjo mund të bëhet pjesë e dialogut që po zhvillohet ndërmjet Kosovës dhe Serbisë”, ka theksuar Rushiti.
Në anën tjetër, Valmir Ismaili nga Demokracia Plus, ka theksuar se pavarësisht dorëheqjeve të kryetarëve të katër komunave veriore, të njëjtit janë duke punuar normalisht.
“Është një situatë interesante me dorëheqjet e ofruara nga kryetarët e komunave në veri të vendit për faktin që edhe pse në letër ata kanë dhënë dorëheqje, nga informatat në terren del që ata janë duke punuar normalisht”, ka thënë Ismaili për Telegrafin.
Ismaili ka theksuar se duke e parë situatën e papërshtatshme politike në vend, institucionet në Prishtinë e kanë pranuar një lloj situate të tillë, ku ata nuk i shpallin zgjedhjet për kryetar dhe e pranojnë qeverisjen ‘në hije’ të komunave në veri.
“Një situatë e tillë krijon mundësinë që mos të ketë transparencë në punën që bëjnë komunat në veri të vendit dhe rrjedhimisht krijohet hapësirë për keqpërdorime të ndryshme të cilat mund të ikin pa u ndëshkuar. Në aspektin ligjor, është duke u krijuar një precedent i rrezikshëm pasi që nuk janë duke u zbatuar afatet ligjore për organizim të zgjedhjeve në rastet kur një kryetar komune jep dorëheqje”, u shpreh Ismaili.
Telegrafi ka provuar të marrë përgjigje nga ana e Qeverisë së Kosovës, por të njëjtit nuk janë përgjigjur.
Më 27 nëntor të vitit që lamë kryetarët e katër komunave të Mitrovicës së veriut, Zubin Potokut, Leposaviqit dhe Zveçanit kanë paraqitur dorëheqjet e tyre si reagim ndaj taksës së vendosur nga Qeveria e Kosovës për mallrat me origjinë nga Serbia. /Telegrafi/
Lufta Prigozhin - Putin
Më shumëNga Rubrika
40 studiues shqiptarë dhe të huaj kërkojnë nga qeveria shqiptare mbrojtjen e Deltës së Vjosës
Ish-Avokati i Popullit për rastin e dyshuar të ngacmimit seksual në UP: Nuk u trajtua si duhet nga aspekti ligjor
Votat për Kodin Civil: Haxhiu thotë se iu duhet edhe ca kohë – PDK pa vendim, LDK e konsideron punë të qeverisë
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
Suspendimi i profesorit Krasniqi pas akuzave për ngacmim seksual, dekani i Fakultetit të Edukimit tregon detaje të vendimit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Gjatë një operacioni policor në Prishtinë e Gjilan, gjenden dy bunkerë dhe armë zjarri
“Ka vetu, e ka bo Zoti dritë dhe e kom pa atë njeri”, thotë dëshmitarja për vrasjen e trefishtë në Gllogjan
Ekspertja e Këshillit të Evropës kritikon Komisionin parlamentar lidhur me Projektligjin për KPM-në
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre