Porsche pranon se qëllimi i saj për elektrifikimin e linjës po zgjat më shumë sesa mendonte

Në mars të vitit 2022, Porsche vendosi një objektiv të guximshëm.

Kompania donte që automjetet elektrike të përbënin më shumë se 80 për qind të shitjeve deri në fund të dekadës.

Por, tani Porsche nuk është aq e sigurt se mund ta arrijë këtë qëllim. Në një intervistë një zëdhënës i kompanisë tha: “Tranzicioni drejt veturave elektrike po zgjat më shumë sesa mendonim pesë vjet më parë”.

Kjo nuk do të thotë se strategjia e markës po ndryshon, përcjell Telegrafi.

Axhenda EV e Porsche do të bëjë të mundur që katër në pesë vetura të shitura deri në vitin 2030 të heqin plotësisht motorin me djegie.

Megjithatë, prodhimi varet edhe nga kërkesa e klientëve dhe zhvillimi i lëvizshmërisë elektrike.

Bëhet e ditur se 718 Boxster dhe 718 Cayman me motorë gazi do të fshihen nga formacioni në vitin 2025 për të lënë vend për zëvendësimet e EV.

I prezantuar tashmë, Macan plotësisht elektrik do të zëvendësojë modelin e gjeneratës së parë ICE në vitin 2026.

Më vonë këtë dekadë, gjenerata e katërt Cayenne është konfirmuar se do të shkojë drejt rrugëve elektrike.

Porsche tashmë ka sugjeruar që Panamera mund të evoluojë në një EV. Ajo do të pozicionohej mbi Taycan si një produkt i madh dhe më i orientuar drejt luksit.

Një 911 EV nuk është planifikuar për këtë dekadë, por procesi i elektrifikimit tashmë ka filluar me 911 GTS të re dhe konfigurimin e tij T-Hybrid. /Telegrafi/