Policja tregon se çfarë gjërash kurrë nuk duhet t’i blini fëmijës tuaj

Një video u bë virale së fundmi në TikTok duke shpjeguar pse prindërit nuk duhet të blejnë kurrë çanta shpine të personalizuara ose sende të tjera me emrat e fëmijëve të tyre.

Njoftimi, i cili u bë viral në një kohë shumë të shkurtër, u publikua nga nëna dhe oficerja e policisë Dannah Eve, e cila shpjegoi në video se objektet me emrin e fëmijës mund të mundësojnë, pra t’ua lehtësojnë grabitqarëve afrimin e fëmijëve.

“Ata shpesh përdorin emrin e fëmijës për të krijuar një ndjenjë të rreme afërsie dhe besimi, e cila më pas mund të përdoret për t’iu afruar më lehtë. Edhe pse gjëra të tilla mund të duken krejtësisht të padëmshme për shumë prindër, sendet e personalizuara për fëmijët mund të tërheqin lehtësisht grabitqarët”, shpjegon polici që pretendon se çantat e shpinës apo rrobat me emrat e fëmijëve mund të jenë të lezetshme, por ato janë padyshim diçka për të cilën prindërit nuk duhet t’ia blejnë fëmijëve të tyre.

⚠️ PSA TO ALL PARENTS ⚠️ #femalesafety #keepyourkidssafe #safetytips #safetytip #femalesafetytips #familysafety #femalesafety #staysafe #stayawarestaysafe #momsafetytips #staysafeoutthere #thinksmart #lifesavingtip #lifesavinghacks #travelingalone #crimeprevention #dontbeatarget #girlswholivealone #ilivealone #dontwalkaloneatnight #dontwalkalone #situationalawareness #beawareofyoursurroundings #criminalmind ♬ original sound – Dannah Eve Watch on TikTok

Sipas saj, këto sende për fat të keq mund t’i vendosin në një situatë shumë të rrezikshme dhe po ashtu theksoi se ky rregull nuk vlen për foshnjat, sepse prindërit e tyre janë gjithmonë me ta dhe ata ende nuk u përgjigjen emrave.

Por për fëmijët e moshës shkollore, të cilët tashmë ecin në shkollë dhe kthehen vetë, këto sende duhet të ndalohen rreptësisht.

“Vetë grabitqarët shpesh nuk duken si njerëz monstruoz gjithsesi, por duken si njerëz vërtet të mirë dhe të ndershëm, dhe ata janë gjithashtu të shkëlqyeshëm në joshjen e fëmijëve. Nëse e dinë emrin e fëmijës, është edhe më e lehtë për ta që t’i afrohen atij dhe të përpiqen të flasin, ne e kuptojmë, sapo dikush thotë emrin e një fëmije dhe ata kthehen, ai person automatikisht ka një avantazh sepse ata kanë aftësinë ta bëjnë fëmijën të mendojë se i njeh ata ose se i njeh prindërit e tij,” shpjegon Eva, e cila e shpërndau këtë video për t’u bërë thirrje prindërve që të marrin në konsideratë blerjen e ndonjë sendi të personalizuar për fëmijën. /Telegrafi/