Policia suedeze shkatërroi një “objekt të rrezikshëm” jashtë ambasadës izraelite në Stokholm

Një “objekt i rrezikshëm” i gjetur jashtë ambasadës izraelite në Stokholm është shkatërruar, ka thënë policia suedeze.

Incidenti – i cilësuar si një “tentativë sulmi” ndaj ambasadorit izraelit – bëri që oficerët të rrethonin një zonë të gjerë aty pranë, shkruajnë mediat e huaja, përcjell Telegrafi.

Policia tha për BBC se ishte shumë herët për të dhënë detaje të mëtejshme mbi objektin. Ata thanë se askush nuk ishte lënduar.

After Israel's envoy to Sweden confirmed that a terrorist attack attempt against the embassy was thwarted

Haaretz journalist, David Stavrou gives the latest details on the incident from Stockholm

| with @benitalevin pic.twitter.com/y8sYrmaTvI

— i24NEWS English (@i24NEWS_EN) January 31, 2024

Një zëdhënës i tha më vonë agjencisë së lajmeve AFP se stafi kishte gjetur një pajisje dhe kishte njoftuar oficerët rreth orës 13:10 me kohën lokale.

Objekti u vlerësua nga skuadra kombëtare e bombave, të cilët zgjodhën ta shkatërronin atë, shtoi zëdhënësi.

Ndërkohë, transmetuesi kombëtar SVT tha se policia e armatosur shkoi në vendngjarje dhe solli me vete thasë me rërë, që thuhet se do t’i përdornin gjatë asgjësimit të objektit.

E ambasadori izraelit në Suedi tha se kishte pasur një “tentativë sulmi” ndaj ambasadës dhe punonjësve të saj.

Policia thotë se është duke hetuar dhe nuk ka thënë se kush mund ta ketë vendosur mjetin e dyshimtë.

Ambasada ndodhet në zonën e pasur Ostermalm të qendrës së qytetit të Stokholmit. /Telegrafi/