Policia arreston nëntë drejtues mjetesh dhe vendos 6,675 gjoba për shkelje rrugore brenda një jave në Tiranë

Policia Rrugore e Tiranës ka vijuar kontrollet e shtuara në të gjitha akset rrugore.

Këto kontrolle synojnë evidentimin dhe ndëshkimin e shkelësve të rregullave të qarkullimit që janë rrezik potencial për përfshirje në ngjarje rrugore, dhe për rritjen e parametrave të sigurisë rrugore në Tiranë.

Gjatë javës që lamë pas janë arrestuar nëntë shtetas për drejtim automjeti në gjendje të dehur apo në efektin e lëndëve narkotike dhe shkelje të rregullave të ndryshme të qarkullimit rrugor.

Janë vënë 6675 masa administrative, disa prej të cilave janë: 356 për shpejtësi mbi normat e lejuara; 59 për përdorim të celularit gjatë drejtimit të mjetit; 6 për përdorim të xhamave të errësuar; 62 për mosdhënie përparësi këmbësorëve në vijat e bardha; 82 për mosvënie të rripit të sigurimit nga drejtuesit e automjeteve; 33 për mosvendosje të kaskës mbrojtëse nga drejtuesit e motomjeteve; 145 për parakalime të gabuara; 5314 për parkime të gabuara.

Janë bllokuar gjashtë automjete për: detyrime të pashlyera; mungesë dokumentacioni; verifikime nga Seksioni i Trafiqeve të Paligjshme në Drejtorinë e Policisë në Tiranë. /Telegrafi/